കൊച്ചി: സൈബർ ആക്രമണത്തിൽ പൊലീസിൽ പരാതി നൽകി നടൻ സുരാജ് വെഞ്ഞാറമൂട്. കാക്കനാട് പോലീസിലാണ് പരാതി നൽകിയത്. ഫോണിൽ വിളിച്ചു വധഭീഷണി മുഴക്കിയെന്നാണു പരാതി. വാട്സാപ്പിലും ഭീഷണി സന്ദേശം അയയ്ക്കുന്നതായി പരാതിയിൽ പറയുന്നു. മണിപ്പുർ സംഭവത്തിൽ പ്രതികരിച്ച താൻ എന്തുകൊണ്ട് ആലുവയിലെ അ‍‌ഞ്ചുവയസ്സുകാരിയുടെ മരണത്തിൽ പ്രതികരിക്കുന്നില്ലെന്നു ചോദിച്ചാണു ആക്രമണമെന്നാണു പരാതിയിലുള്ളത്.
മണിപ്പുരിൽ രണ്ട് സ്ത്രീകളെ നഗ്നരാക്കി നടത്തിയ സംഭവത്തിൽ സുരാജ് ഫേസ്ബുക്കിൽ രൂക്ഷ പ്രതികരണം നടത്തിയിരുന്നു. ‘‘മണിപ്പൂർ അസ്വസ്ഥതയുണ്ടാക്കുന്നു. അപമാനം കൊണ്ടു തല കുനിഞ്ഞുപോകുന്നു. ഇനിയും ഒരു നിമിഷം നീതി വൈകിക്കൂടാ’’– ഇങ്ങനെയായിരുന്നു ഫേസ്ബുക്കിൽ സുരാജ് പങ്കുവെച്ചത്.
സൈബർ ആക്രമണം; പരാതി നൽകി നടൻ സുരാജ് വെഞ്ഞാറമൂട്
