‘ന്നാ താൻ കേസ് കൊട് ‘ എന്ന ചിത്രത്തിന് ശേഷം രതീഷ് ബാലകൃഷ്ണ പൊതുവാള്‍ തിരക്കഥ ഒരുക്കി സംവിധാനം ചെയ്യുന്ന പുതിയ സിനിമയാണ് ‘സുരേശ ന്റെയും സുമലതയുടെയും ഹൃദയഹാരിയായ പ്രണയകഥ’.രാജേഷ് മാധവനും ചിത്ര നായരുമാണ് ഈ ചിത്രത്തില്‍ സുരേശനും സുമലതയുമാകുന്നത്. കുഞ്ചാക്കോ ബോബനും ചിത്രത്തിലൊരു പ്രധാന കഥാപാത്രത്തെ അവതരിപ്പിക്കുന്നു.
വമ്ബൻ ബജറ്റില്‍ ഒരുങ്ങുന്ന ചിത്രത്തിന്റെ ചിത്രീകരണം കഴിഞ്ഞ മാസം പൂര്‍ത്തിയായിരുന്നു. ഡോണ്‍ വിൻസെന്റ് ഈണമിട്ട ചിത്രത്തിലെ 8 ഗാനങ്ങള്‍ റെക്കോര്‍ഡ് തുകക്ക്‌ സോണി മ്യൂസിക് സ്വന്തമാക്കിയിട്ടുണ്ട്. പയ്യന്നൂരും പരിസര പ്രദേശങ്ങളിലുമായ് 100 ദിവസത്തിന് മുകളില്‍ നീണ്ട ഷൂട്ട്‌ ചിത്രത്തിനുണ്ടായിരുന്നു.
2022 ലെ സംസ്ഥാന ഫിലിം അവാര്‍ഡുകളില്‍ ഏഴു എണ്ണം നേടി ശ്രദ്ധ നേടിയ ചിത്രമായിരുന്നു ‘ന്നാ താൻ കേസ് കൊട് ‘. അതിനു ശേഷം രതീഷ് ബാലകൃഷ്ണ പൊതുവാളുമൊത്ത് ചാക്കോച്ചൻ വീണ്ടും ഒന്നിക്കുമ്ബോള്‍ പ്രതീക്ഷകള്‍ ഏറെയാണ്. ഒരേ കഥ മൂന്നു കാലഘട്ടങ്ങളിലൂടെ പറയുന്നു എന്ന സവിശേഷത ചിത്രത്തിന് അവകാശപ്പെടാനാകുന്ന ഒന്നാണ്. ഒരു വലിയ താര നിര ചിത്രത്തിന്റെ ഭാഗമാകുന്നുണ്ട്.
അജഗജാന്തരം എന്നാ സൂപ്പര്‍ ഹിറ്റ്‌ ചിത്രത്തിന് ശേഷം ഇമ്മാനുവല്‍ ജോസഫ്, അജിത് തലപ്പള്ളി എന്നിവരാണ് നിര്‍മാണം. രതീഷ് ബാലകൃഷ്ണ പൊതുവാള്‍, ജെയ് കെ, വിവേക് ഹര്‍ഷൻ എന്നിവരാണ് സഹ നിര്‍മാതാക്കള്‍. എക്സിക്യൂട്ടീവ് പ്രൊഡ്യൂസേഴ്‌സ്: മനു ടോമി, രാഹുല്‍ നായര്‍. സബിൻ ഊരാളുക്കണ്ടി ഛായാഗ്രഹണം നിര്‍വഹിക്കുന്നു.
പ്രൊഡക്ഷൻ ഡിസൈനര്‍: കെ.കെ. മുരളീധരൻ, എഡിറ്റര്‍: ആകാശ് തോമസ്, മ്യൂസിക്: ഡോണ്‍ വിൻസെൻറ്, ക്രിയേറ്റീവ് ഡയറക്ടര്‍: സുധീഷ് ഗോപിനാഥ്, ആര്‍ട് ഡയറക്ഷൻ: ജിത്തു സെബാസ്റ്റ്യൻ, മിഥുൻ ചാലിശ്ശേരി, സിങ്ക് സൗണ്ട് & സൗണ്ട് ഡിസൈൻ: അനില്‍ രാധാകൃഷ്ണൻ, സൗണ്ട് മിക്സിങ്: സിനോയ് ജോസഫ്, ലിറിക്സ്: വൈശാഖ് സുഗുണൻ, കോസ്റ്റ്യൂം ഡിസൈനര്‍: സുജിത്ത് സുധാകരൻ, മേക്കപ്പ്: ലിബിൻ മോഹനൻ, സ്റ്റണ്ട്സ്: മാഫിയ ശശി, പ്രൊഡക്ഷൻ കണ്‍ട്രോളര്‍: ബിനു മണമ്ബൂര്‍, വി.എഫ്.എക്സ്: എഗ്ഗ് വൈറ്റ്, സ്റ്റില്‍സ്: റിഷാജ് മുഹമ്മദ്, പോസ്റ്റര്‍ ഡിസൈൻ: യെല്ലോ ടൂത്ത്‌സ്, കൊറിയോഗ്രാഫേഴ്‌സ്: ഡാൻസിങ് നിഞ്ച, ഷെറൂഖ് ഷെറീഫ് | അനഘ, റിഷ്ധാൻ, ഡിജിറ്റല്‍ മാര്‍ക്കറ്റിംഗ് ആൻഡ് മീഡിയ പ്ലാനിങ് : ഒബ്സ്ക്യൂറ എന്റര്‍ടൈൻമെന്റ്.
