കൊച്ചി: റോബിൻ ബസ് നടത്തിപ്പുകാരൻ ബേബി ഗിരീഷിന് ജാമ്യം ലഭിച്ചു. ഉപാധികളില്ലാതെയാണ് ജാമ്യം ലഭിച്ചത്. ഗിരീഷിനെ ഇന്ന് ഉച്ചയോടെയാണ് പൊലീസ് അറസ്റ്റ് ചെയ്തത്. ഈരാറ്റുപേട്ടയിലെ വീട്ടിൽ നിന്നാണ് അറസ്റ്റ് ചെയ്തത്. 2012ലെ ചെക്ക് കേസുമായി ബന്ധപ്പെട്ടാണ് നടപടിയെന്നാണ് വിവരം. കോടതി വാറണ്ടിനെ തുടർന്നാണ് അറസ്റ്റ്. പമ്പയിലേക്ക് സർവീസുമായി പോകുമെന്നാണ് ജാമ്യം ലഭിച്ചതിന് പിന്നാലെ ഗിരീഷ് പറഞ്ഞത്. തനിക്കെതിരെ പ്രതികാര നടപടികൾ സ്വീകരിക്കുന്നത് ഗതാഗത സെക്രട്ടറിയാണെന്നും ഗിരീഷ് ആരോപിച്ചു.
റോബിൻ ബസ് ഉടമ ഗിരീഷിന് ജാമ്യം; ഗതാഗത സെക്രട്ടറി നടത്തുന്നത് പ്രതികാര നടപടിയാണെന്നും ഗിരീഷ്
