അയോധ്യ: യുപിയിൽ വനിത കോൺസ്റ്റബിളിനെ ആക്രമിച്ച പ്രതി പൊലീസുമായുള്ള ഏറ്റുമുട്ടലിൽ കൊല്ലപ്പെട്ടു. മുഖ്യപ്രതിയായ അനീസ് ആണ് കൊല്ലപ്പെട്ടത്. അയോധ്യയ്ക്ക് സമീപം പ്രതികളെ പിടിക്കുന്നതിനിടെയായിരുന്നു സംഭവം. ഓഗസ്റ്റ് 30ന് സരയൂ എക്സ്പ്രസിൽ വനിത കോൺസ്റ്റബിളിനെ മൂന്നംഗ സംഘം ചേർന്ന് ആക്രമിച്ചത്. വനിത കോൺസ്റ്റബിളിന്റെ മുഖത്തും ദേഹത്തും കുത്തേറ്റിരുന്നു.
കൂടെയുണ്ടായിരുന്ന രണ്ട് പേരെ ഉത്തർപ്രദേശ് സ്പെഷ്യൽ ടാസ്ക് ഫോഴ്സ് (എസ്ടിഎഫ്) അറസ്റ്റ് ചെയ്തു. ഇനായദ് നഗറിൽ നിന്ന് ആസാദിനെയും വിഷംഭർ ദയാൽ എന്ന ലല്ലുവിനെയുമാണ് അറസ്റ്റ് ചെയ്തതായി പൊലീസ് അറിയിച്ചത്. അയോധ്യ സ്റ്റേഷനിലെ സരയൂ എക്‌സ്പ്രസിന്റെ ട്രെയിൻ കമ്പാർട്ടുമെന്റിനുള്ളിൽ വനിതാ കോൺസ്റ്റബിളിനെ അബോധാവസ്ഥയിൽ കണ്ടെത്തുകയായിരുന്നു. ഉദ്യോഗസ്ഥയുടെ മുഖത്ത് ഗുരതരമായി പരിക്കേൽക്കുകയും തലയോട്ടിക്ക് പൊട്ടലുണ്ടാവുകയും ചെയ്തിരുന്നു.
