ന്യൂഡൽഹി: ജമ്മു കശ്മീരിൽ പാക്കിസ്ഥാൻ നടത്തുന്ന ഭീകരപ്രവർത്തനങ്ങൾക്കെതിരെ ‘ഓപ്പറേഷൻ സർവശക്തി’യുമായി ഇന്ത്യൻ സൈന്യം. പിർ പഞ്ചാൽ പർവതനിരയുടെ ഇരുവശത്തുമുള്ള ഭീകരരെ ലക്ഷ്യമിട്ട് സൈന്യം പുതിയ ദൗത്യം ആരംഭിച്ചു.
ശ്രീനഗർ ആസ്ഥാനമായുള്ള ചിന്നാർ ആർമി ഗ്രൂപ്പും നഗ്രോട്ട ആസ്ഥാനമായുള്ള വൈറ്റ് നൈറ്റ് കോർപ്‌സും ഒരേസമയം നടത്തുന്ന ദൗത്യമാണിത്. ജമ്മു കശ്മീർ പോലീസ്, സിആർപിഎഫ്, സ്‌പെഷ്യൽ ടാസ്‌ക് ഫോഴ്‌സ്, ഇന്റലിജൻസ് ഏജൻസികൾ എന്നിവ ദൗത്യത്തിൽ അണിചേരും
പ്രദേശത്ത് നിന്ന് ഭീകരരെ ഒഴിപ്പിക്കുക എന്ന ലക്ഷ്യത്തോടെ 2003-ൽ ആരംഭിച്ച ഓപ്പറേഷൻ സർപ്പവിനാശിൽ നിന്ന് പ്രചോദനം ഉൾക്കൊണ്ടാണ് ഓപ്പറേഷൻ സർവ ശക്തി.രജൗരി-പൂഞ്ച് മേഖല ഉൾപ്പെടെ പിർ പഞ്ചലിന്റെ തെക്കൻ പ്രദേശങ്ങളിൽ ഭീകരവാദം പുനരുജ്ജീവിപ്പിക്കാൻ കഴിഞ്ഞ ഏതാനും മാസങ്ങളായി പാക്കിസ്ഥാനിലെ ഭീകരസംഘടനകൾ ശ്രമിച്ചുവരികയാണ്. ഭീകരാക്രമണത്തിൽ ഇരുപതോളം ജവാന്മാർക്ക് ജീവൻ നഷ്ടപ്പെട്ടു.ഈ സാഹചര്യത്തിലാണ് സൈന്യം പുതിയ ദൗത്യം ആരംഭിച്ചിരിക്കുന്നത്.
ഓപ്പറേഷൻ സർവശക്തി’; പാക്കിസ്ഥാൻ ഭീകരരെ പൂട്ടാൻ ഇന്ത്യൻ സൈന്യം
