കാട്ടാമ്പാക്ക്: 336 – നമ്പർ കാട്ടാമ്പാക്ക് കിഴക്കുംഭാഗം വടക്കേനിരപ്പ് എൻഎസ്എസ് കരയോഗ വാർഷികവും കുടുംബസംഗമവും വ്യാഴാഴ്ച നടന്നു. എൻഎസ്എസ് വൈയ്ക്കം താലൂക്ക് യൂണിയൻ പ്രസിഡന്റ് പി ജി എം നായർ കാരിക്കോട് യോഗം ഉദ്ഘാടനം ചെയ്തു. കരയോഗം പ്രസിഡന്റ് ടി. സന്തോഷ്ബാബു അദ്ധ്യക്ഷത വഹിച്ചു. യൂണിയൻ സെക്രട്ടറി രാജഗോപാൽ മുഖ്യപഭാഷണം നടത്തി.
കരയോഗത്തിൻ്റെ മുൻ വൈസ് പ്രസിഡൻ്റ് ബാബുക്കുട്ടൻ്റെ ഫോട്ടോ അനാച്ഛാദന കർമ്മം, വിവിധ എൻഡോവ്മെന്റുകളുടേയും ചികിത്സാ സഹായങ്ങളുടേയും വിദ്യാഭ്യാസ സഹായങ്ങളുടേയും ക്യാഷ് അവാർഡുകളുടേയും വിതരണം ചടങ്ങിൽ പി ജി എം നായർ നിർവ്വഹിച്ചു. എൻ എസ് എസ് പ്രതിനിധി സഭാംഗം പത്മനാഭപിള്ള, യൂണിയൻ കമ്മറ്റി മെമ്പർ പി ഡി രാധാകൃഷ്ണൻ കരയോഗ കമ്മറ്റി മെമ്പർമാരായ അജയ് വിനീത്, സാഗർ, സന്തോഷ്, പ്രകാശ്, രാമകൃഷ്ണപിള്ള, രാധാകൃഷ്ണൻ, ശശീന്ദ്ര ബാബു, രാജപ്പൻ നായർ, വനിതാ സമാജം പ്രസിഡന്റ് ശ്രീകല ദിലീപ്, ബിന്ദു രാധാകൃഷ്ണൻ എന്നിവർ പ്രസംഗിച്ചു. കരയോഗം സെക്രട്ടറി ജി. ജി. മധു സ്വാഗതവും ട്രഷറർ ഹരിദാസൻ നായർ കൃതജ്ഞതയും പറഞ്ഞു.
