പാലക്കാട്: പാലക്കാട്ട് ഉപ തെരഞ്ഞെടുപ്പ് ക്ലൈമാക്‌സിലേക്ക്. 184 ബൂത്തുകളിലും വോട്ടെടുപ്പ് തുടങ്ങി. എൽഡിഎഫ് സ്ഥാനാർഥി പി സരിൻ അടക്കമുള്ളവർ വോട്ട് രേഖപ്പെടുത്താനായി ബൂത്തിലെത്തി. രാഹുൽ മാങ്കൂട്ടത്തിലിന് മണ്ഡലത്തിൽ വോട്ടില്ല.
പാലക്കാട് നഗരസഭ, പിരായിരി, കണ്ണാടി, മാത്തൂർ, പഞ്ചായത്തുകൾ ഉൾപ്പെടുന്ന നിയമസഭാ മണ്ഡലത്തിൽ 1,94,706 വോട്ടർമാരാണ് ഇന്ന് വിധിയെഴുതുന്നത്. എല്ലാ ബൂത്തുകളിലും മോക്ക് പോളിങ് അതിരാവിലെ തന്നെ പൂർത്തിയായിരുന്നു.
വലിയ ശുഭപ്രതീക്ഷയാണ് സ്ഥാനാർഥികളെല്ലാം പങ്കുവച്ചത്. വിവാദങ്ങളൊന്നും പാലക്കാട്ടുകാരെ ബാധിക്കില്ലെന്നും മതേതര നിലപാടാണ് പാലക്കാട്ടെ ജനതയ്‌ക്കെന്നും യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ പറഞ്ഞു.
