കോഴിക്കോട്: മലയോര പ്രദേശങ്ങളില്‍ കനത്ത മഴയും മലവെള്ളപ്പാച്ചിലും. ഇരുവഞ്ഞി പുഴയിലാണ് മലവെള്ളപാച്ചില്‍. അതേസമയം കോഴിക്കോട് ജില്ലയില്‍ ഒറ്റപ്പെട്ട പ്രദേശങ്ങളില്‍ മഴയുണ്ടാകുമെന്ന് അറിയിച്ചിരുന്നെങ്കിലും ജില്ലയില്‍ ഇന്ന് യെല്ലോ അലേര്‍ട്ട് ഇല്ല.
സമീപ ജില്ലകളായ കണ്ണൂര്‍, വയനാട്, മലപ്പുറം ജില്ലകളിലും മഴയുണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. പത്തനംതിട്ട, എറണാകുളം, ഇടുക്കി, കണ്ണൂര്‍ ജില്ലകളിലാണ് ഇന്ന് യെല്ലോ ആലേര്‍ട്ട് പ്രഖ്യാപിച്ചിട്ടുള്ളത്.കേരളാ തീരത്ത് കള്ളക്കടല്‍ പ്രതിഭാസത്തിന് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചിരുന്നു.
