തൃശ്ശൂരിൽ സിനിമ കാണാൻ എത്തിയ വീട്ടുകാർ കുട്ടിയെ തീയേറ്ററിൽ വച്ച് മറന്നു.

തൃശ്ശൂരിൽ “ലോക” സിനിമ കാണാൻ എത്തിയ വീട്ടുകാർ ഏഴ് വയസ്സുള്ള കുട്ടിയെ തീയേറ്ററിൽ മറന്നു. രാത്രി സെക്കൻഡ് ഷോയ്ക്ക് ബന്ധുക്കളായ 10 പേർ അടങ്ങിയ സംഘമാണ് വന്നത് .ടിക്കറ്റ് തീർന്നതിനെ തുടർന്ന് ഈ സിനിമ പ്രദർശിപ്പിക്കുന്ന മറ്റൊരു തീയേറ്ററിൽ എത്തി ടിക്കറ്റ് എടുത്തു സിനിമയ്ക്ക് കയറി .ആദ്യ തീയേറ്ററിൽ നിന്ന് കുട്ടിയെ ഒപ്പം കൂട്ടാൻ മറന്നിരുന്നു ഇവർ.സിനിമ തുടങ്ങി കഴിഞ്ഞു കൗണ്ടറിൽ കരഞ്ഞുകൊണ്ട് നിൽക്കുന്ന കുട്ടിയെ ജീവനക്കാർ ശ്രദ്ധിച്ചിരുന്നു. രക്ഷിതാക്കളെ കുറിച്ചുള്ള വിവരങ്ങൾ ചോദിച്ചറിഞ്ഞു കുറച്ചു നേരം കാത്തുനിൽക്കുകയും ചെയ്തു. ഒടുവിൽ തീയേറ്ററിലെ രണ്ട് സ്ക്രീനിലെ ഷോ നിർത്തിവെച്ച് രക്ഷിതാക്കളെ തിരഞ്ഞു. അടുത്ത തീയേറ്ററിൽ ഫോൺ ചെയ്ത് വിവരം പറഞ്ഞു .അവിടെയും സിനിമ നിർത്തിവെച്ച് വിവരം അനൗൺസ് ചെയ്തു .അപ്പോഴാണ് കുടുംബം കുട്ടി കൂടെയില്ലെന്ന കാര്യം ശ്രദ്ധിച്ചത് . പിന്നീട് പോലീസ് സ്റ്റേഷനിൽ വച്ച് രക്ഷിതാക്കൾക്ക് കുട്ടിനെ കൈമാറി.