വികസന സമിതി ചേർന്നു

പീരുമേട് :പീരുമേട് പഞ്ചായത്തിന്റെ 2026- 27 വർഷത്തെ കരട് പദ്ധതി രേഖ അവതരിപ്പിക്കുന്നതിനായി വികസന സമിതി ചേർന്നു .പീരുമേട് എസ്. എം .എസ് ക്ലബ് ഹാളിൽ ചേർന്ന യോഗത്തിൽ പീരുമേട് പഞ്ചായത്ത് വൈസ് പ്രസിഡണ്ട് മനോജ് രാജൻ അധ്യക്ഷത വഹിച്ചു. പ്രസിഡണ്ട് ശാന്തി രമേഷ് ഉദ്ഘാടനം ചെയ്തു. പതിനാലാം പഞ്ചവത്സര പദ്ധതി 2002 – 27 ൽ പെടുത്തി 2026- 27 വർഷത്തെ കരടാണ് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ മേരി സെൽവി അവതരിപ്പിച്ചത്. തുടർന്ന് 14 വർക്കിംഗ് ഗ്രൂപ്പുകളായി തിരിഞ്ഞ് ചർച്ച ചെയ്യുകയും അതിൽ ഉരുത്തിരിഞ്ഞ ആശയങ്ങൾ അവതരിപ്പിക്കുകയും ചെയ്തു. ജില്ലാ പഞ്ചായത്ത് അംഗം മണി മേഖല, ബ്ലോക്ക് പഞ്ചായത്തംഗം ജീവാമോൾ, സെക്രട്ടറി എ .എം രാജ കൂടാതെ 16 വാർഡുകളിലെയും അംഗങ്ങളും നിർവഹണ ഉദ്യോഗസ്ഥരും വാർഡുകളിൽ നിന്ന് തിരഞ്ഞെടുക്കപ്പെട്ട പ്രതിനിധികളും സംബന്ധിച്ചു.