ആലപ്പുഴ: ആലപ്പുഴ ജനറൽ ആശുപത്രിയുടെ പുതിയ കെട്ടിടത്തിനു സമീപം യുവാവിനെ മരിച്ച നിലയിൽ കണ്ടെത്തി. പള്ളാത്തുരുത്തി മുക്കവലയ്ക്കൽ പുത്തൻവീട്ടിൽ അജ്മൽ ഷാജിയെ ആണ് മരിച്ച നിലയിൽ കണ്ടെത്തിയത്. മുഖത്തും തലയിലും മുറിവുണ്ട്. മരണ കാരണം വ്യക്തമല്ല.
രാവിലെ വീട്ടിൽനിന്നും വിവാഹത്തിൽ പങ്കെടുക്കാനായാണ് അജ്മൽ ഷാജി പോയതെന്നു വീട്ടുകാർ പറയുന്നു. ഉച്ചയ്ക്കു 1.30 നു സെക്യൂരിറ്റി ആണ് മൃതദേഹം കണ്ടെത്തിയത്. സെയിൽസ്മാനായി ജോലി ചെയ്തുവരികയായിരുന്നു അജ്മൽ. പൊലീസ് സ്ഥലത്തെത്തി.
