മലപ്പുറം: മലയാളി മർച്ചന്റ് നേവി ഉദ്യോഗസ്ഥനെ കാണാതായതായി പരാതി. മലപ്പുറം നിലമ്പൂർ സ്വദേശി മനേഷ് കേശവ് ദാസിനെയാണ് കാണാതായത്. കപ്പൽ യാത്രയ്ക്കിടെ ഉദ്യോഗസ്ഥനെ കാണാതാവുകയായിരുന്നു. ലൈബീരിയൻ എണ്ണക്കപ്പലായ MT PATMOS ൽ നിന്നുമാണ് മനേഷിനെ കാണാതായത്. കപ്പലിൻ്റെ സെക്കന്റ് ഓഫീസറാണ് മനേഷ്. അബുദാബിയിലെ ജെബൽ ധാനയിൽ നിന്ന് മലേഷ്യയിലേക്കുള്ള യാത്രാമധ്യേയാണ് കാണാതായതെന്നാണ് വിവരം.
ഈ മാസം 11 നാണ് ഉദ്യോഗസ്ഥനെ കാണാതായതെന്ന് കപ്പൽ അധികൃതർ അറിയിച്ചു. കടലിൽ തെരച്ചിൽ നടത്തിയെങ്കിലും മനേഷിനെ കണ്ടെത്താനായിട്ടില്ല. മനേഷിനായി തെരച്ചിൽ തുടരുകയാണെന്നും കപ്പൽ അധികൃതർ വ്യക്തമാക്കി. ഇതിനിടെ മനേഷിന്റെ കുടുംബം കേന്ദ്ര സർക്കാരിന് പരാതി നൽ
