തിരുവനന്തപുരം: കേരള സര്‍വകലാശാല കലോത്സവ വേദിയില്‍ പ്രതിഷേധം. രാവിലെ ഒപ്പന മത്സര വേദിയില്‍ കെഎസ് യു പ്രവര്‍ത്തകരാണ് പ്രതിഷേധിക്കുന്നത്.
കലോത്സവത്തില്‍ പങ്കെടുക്കാനും കാണാനുമെത്തിയ കെഎസ് യു പ്രവര്‍ത്തകരെ എസ്‌എഫ്‌ഐക്കാരായ സംഘാടക സമിതിക്കാര്‍ തിരഞ്ഞെുപിടിച്ച്‌ മര്‍ദ്ദിച്ചു എന്നാരോപിച്ചാണ് പ്രതിഷേധം.എസ്‌എഫ്‌ഐക്കാര്‍ തല്ലിച്ചതച്ച രണ്ടുപേര്‍ മെഡിക്കല്‍ കോളജ് ആശുപത്രിയില്‍ ചികിത്സയിലാണെന്നും പ്രതിഷേധക്കാര്‍ പറയുന്നുയൂണിവേഴ്സിറ്റി കലോത്സവത്തിൻറെ വേദിയായ യൂണിവേഴ്സിറ്റി സെനറ്റ് ഹാളിലാണ് കെഎസ്‌യു പ്രതിഷേധം നടന്നത്.കെഎസ് യു ഭരിക്കുന്ന കോളജുകളിലെയും കെ എസ് യു അനുഭാവമുള്ള വിദ്യാര്‍ത്ഥികളും മത്സരിക്കാനെത്തുമ്ബോള്‍ വ്യാപകമായി മര്‍ദ്ദിക്കുന്നുവെന്നാണ് ആരോപണം.
ജീവനു സംരക്ഷണം കിട്ടിയതിന് ശേഷ മാത്രം മത്സരം നടത്തിയാല്‍ മതിയെന്ന് മുദ്രാവാക്യം മുഴക്കി കെ എസ് യു പ്രവര്‍ത്തകര്‍ വേദിയില്‍ കുത്തിയിരുന്നു പ്രതിഷേധിച്ചു. പ്രതിഷേധം കനത്തതോടെ കെഎസ്‌യു പ്രവർത്തകരെ പൊലീസ് അറസ്റ്റ് ചെയ്ത് നീക്കി.
എസ്‌എഫ്‌ഐ പ്രവർത്തകർ ആക്രമിക്കുന്നു: കേരള സർവകലാശാല കലോത്സവത്തിൽ കെഎസ്‌യു പ്രതിഷേധം
