കീഴൂർ ദേവസ്വം ബോർഡ് കോളേജിൽ പുതിയതായി നിർമ്മിച്ച ബഹുനില കെട്ടിടത്തിന്റെ ഉദ്ഘാടനം തിരുവിതാകൂർ ദേവസ്വം ബോർഡ് പ്രസിഡന്റ് അഡ്വ.കെ. അനന്തഗോപൻ നിർവഹിച്ചു. ദേവസ്വം ബോർഡ് മെമ്പർ അഡ്വ.എസ്.എസ്. ജീവൻ അദ്ധ്യക്ഷത വഹിച്ചു. ബി.സി.എ, ബി.എ. മൾട്ടിമീഡിയ എന്നീ പുതിയ കോഴ്സുകളുടെ ഉദ്ഘാടനവും പ്രസിഡന്റ് നിർവഹിച്ചു.
അത്യാധുനിക മീഡിയ ലാബിന്റെ ഉദ്ഘാടനം ദേവസ്വം ബോർഡ് മെമ്പർ ജി.സുന്ദരേശൻ നടത്തി. ദേവസ്വം ബോർഡ് സെക്രട്ടറി ജി.ബൈജു കെട്ടിടം നിർമ്മിച്ച കോൺട്രാക്ടർ എ.വി. കലേഷിന് ഉപഹാരം നൽകി ആദരിച്ചു. ചീഫ് എൻജിനീയർ ആർ. അജിത്കുമാർ, മുൻ ദേവസ്വം മെമ്പർ പി.എം. തങ്കപ്പൻ , വൈസ് പ്രിൻസിപ്പാൾ ആർ. ഷീജ, എക്സിക്യൂട്ടിവ് എൻജിനീയർ വി.യു. ഉപ്പിലിയപ്പൻ, പി.റ്റി.എ. വൈസ് പ്രസിഡന്റ് എം.എൻ. മനോജ്, കോളേജ് കൗൺസിൽ സെക്രട്ടറി ഡി.ഡിപിൻ , അഡ്മിനിസ്ട്രേറ്റീവ് അസിസ്റ്റന്റ് സുനിൽ ജി ദാസ് , എന്നിവർ സംസാരിച്ചു.
മഹാത്മാ ഗാന്ധി യൂണിവേഴ്സിറ്റി പരീക്ഷയിൽ റാങ്ക് നേടിയ ഗോപിക ജി.നായർ , റോയൽ മാത്യു ഐസക് എന്നിവരെ അനുമോദിച്ചു. തുടർന്ന് പ്രസീത ചാലക്കുടി നയിച്ച നാട്ടറിവ് പാട്ടുകളും ഉണ്ടായിരുന്നു. കോളേജ് പ്രിൻസിപ്പാൾ ഡോ.സി.എം. കുസുമൻ സ്വാഗതവും ഇലക്ട്രോണിക്സ് വിഭാഗം മേധാവി എസ് സതീഷ് കൃതജ്ഞതയും പറഞ്ഞു.
