കൊച്ചി :സര്‍വകാല റെക്കോര്‍ഡില്‍ സ്വര്‍ണവില. വില കുറയുമെന്ന് കരുതി സ്വര്‍ണം വാങ്ങാന്‍ കാത്തിരുന്നവര്‍ക്ക് തിരിച്ചടി നല്‍കി വില കുതിക്കുകയാണ്.
പവന് 560 രൂപ വര്‍ധിച്ച്‌ 47,560 രൂപയിലാണ് കേരളത്തില്‍ സ്വര്‍ണ വ്യാപാരം നടക്കുന്നത്.
ആഗോള വിപണിയിലെ വില വര്‍ധനവാണ് കേരള വിപണിയിലും വില റെക്കോര്‍ഡിലെത്താന്‍ കാരണം. സംസ്ഥാനത്ത് ഒരു ഗ്രാമം സ്വര്‍ണം വാങ്ങണമെങ്കില്‍ 5,945 രൂപ നല്‍കണം. 70 രൂപയാണ് ഗ്രാമിന് വര്‍ധിച്ചത്.
കഴിഞ്ഞവര്‍ഷം ഡിസംബര്‍ 27ന് രേഖപ്പെടുത്തിയ 47,120 രൂപയായിരുന്നു പവന്റെ ഏറ്റവും ഉയര്‍ന്ന വില. ഇനിയും വില വര്‍ധിക്കുമെന്ന് വ്യാപാരികള്‍ പറയുന്നു. വില വര്‍ധിച്ചതോടെ സ്വര്‍ണം വാങ്ങാന്‍ ആളുകള്‍ കുറഞ്ഞെങ്കിലും പഴയ സ്വര്‍ണ്ണം വില്‍ക്കാനെത്തുന്നവരുടെ എണ്ണം വര്‍ധിച്ചിട്ടുണ്ട്
