ഇറ്റാലിയൻ സീരി എയിൽ തുടർച്ചയായ മൂന്നു ഗോൾരഹിത സമനിലകൾക്ക് ശേഷം വമ്പൻ ജയവുമായി യുവന്റസ് ലീഗ് തലപ്പത്ത്. ജെനോവക്ക് എതിരെ ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയിൽ 3 ഗോളുകൾ നേടിയാണ് യുവന്റസ് ജയം കണ്ടത്. 48 -ാമത്തെ മിനിറ്റിൽ പെനാൽട്ടിയിലൂടെ ഗോൾ നേടിയ വ്‌ലാഹോവിച് 55 -ാമത്തെ മിനിറ്റിൽ രണ്ടാം ഗോളും നേടി യുവന്റസ് മുൻതൂക്കം ഇരട്ടിയാക്കി.
തുടർന്ന് 89 -ാമത്തെ മിനിറ്റിൽ ഗോൾ നേടിയ ഫ്രാൻസിസ്‌കോ ആണ് യുവന്റസ് ജയം പൂർത്തിയാക്കിയത്. അതേസമയം ആവേശകരമായ പോരാട്ടത്തിൽ ഉഡിനെസെയെ നിലവിലെ ജേതാക്കൾ ആയ ഇന്റർ മിലാൻ 3 -2ന് തോൽപ്പിച്ചു.
ലൗടാരോ മാർട്ടിനസിന്റെ ഇരട്ടഗോൾ ആണ് അവർക്ക് ജയം നൽകിയത്. ജയത്തോടെ യുവന്റസ് ഇന്റർ ലീഗിൽ നാലാം സ്ഥാനത്തേക്ക് കയറി.
