Author: cvoadmin

കോട്ടയം: പള്ളിപെരുന്നാളിനിടെ യന്ത്ര ഊഞ്ഞാലിന്റെ വാതില്‍ അടര്‍ന്നു വീണുണ്ടായ അപകടത്തില്‍ 17 കാരന് പരിക്കേറ്റു. ചങ്ങനാശ്ശേരി സ്വദേശി അലന്‍ ബിജുവിനാണ് പരിക്കേറ്റത്. ബന്ധുവിനൊപ്പം യന്ത്ര ഊഞ്ഞാലിന്റെ താഴെ നില്‍ക്കുകയായിരുന്നു അലന്‍. ഇതിനിടെയാണ് വാതില്‍ അടര്‍ന്നുവീണത്.തലയ്ക്ക് പരിക്കേറ്റ അലനെ ആശുപത്രിയില്‍ പ്രവേശിപ്പിച്ചു. ചങ്ങനാശ്ശേരി മെട്രോപൊളിറ്റന്‍ പള്ളി തിരുനാളിന്റെ ഭാഗമായാണ് യന്ത്ര ഊഞ്ഞാല്‍ ഒരുക്കിയത്. ഓപ്പറേറ്ററെ പോലീസ് കസ്റ്റഡിയിലെടുത്തു.

നോർത്ത് പറവൂർ :നന്ത്യാട്ടുകുന്നം ഗവ എൽപി സ്കൂളിന് സമീപമുള്ള ബസ് സ്റ്റോപ്പ് മാർ ഗ്രിഗോറിയോസ് സ്കൂൾ ബസ് ഇടിച്ചു തകർന്നു വീണത് പുതുക്കി പണിതു. യാത്രക്കാർക്ക് യാതൊരു സുരക്ഷിതത്വവുമില്ലാതെ വളരെ മോശമായ രീതിയിലാണ് ബസ് സ്റ്റോപ്പ് പുനരുദ്ധരിച്ചതെന്നാണ് നാട്ടുകാരുടെ പരാതി. 3 പേർക്ക് പരിക്കേറ്റ സംഭവമായിരുന്നു അത്.സ്കൂളിന്റെ സമീപം തന്നെയുള്ള ബസ് സ്റ്റോപ്പ് കെട്ടിടം ആണ് തകർന്ന് വീണത്. അധികാരികൾ ബസ് സ്റ്റോപ്പ് കെട്ടിടം പരിശോധിച്ച് വേണ്ടത്ര സുരക്ഷിതത്വത്തോടെ ബസ് സ്റ്റോപ്പ് കെട്ടിടം ക്രമീകരിക്കണമെന്ന് നാട്ടുകാർ ആവശ്യപ്പെട്ടു.