കാന്താര സിനിമയുടെ രണ്ടാം ഭാഗത്തിന് കേരളത്തിൽ വിലക്ക്

കാന്താര സിനിമയുടെ രണ്ടാം ഭാഗത്തിന് കേരളത്തിൽ വിലക്ക്. സിനിമ സംസ്ഥാനത്ത് പ്രദർശിപ്പിക്കില്ലെന്ന് സിനിമ തിയേറ്റർ ഉടമകളുടെ സംഘടനയായ ഫിയോക് വ്യക്തമാക്കി .സിനിമയുടെ ആദ്യ രണ്ട് ദിവസത്തെ കളക്ഷനിൽ 55% ആവശ്യപ്പെട്ടതിനെ തുടർന്നാണ് ഫിയോക്, സിനിമ കേരളത്തിൽ വിലക്കിയിരിക്കുന്നത്. വിതരണക്കാർ ഇതേ നിലപാടിലുറച്ച് നിൽക്കുകയാണെങ്കിൽ സിനിമ കേരളത്തിൽ തിയേറ്ററുകളിൽ പ്രദർശിപ്പിക്കാൻ ഇല്ലെന്നാണ് ഫിയൊക്കിന്റെ തീരുമാനം. ചർച്ചകൾ നടക്കുന്നതായി റിപ്പോർട്ടുകൾ ഉണ്ട്. ചിത്രം ഒക്ടോബർ രണ്ടിന് ആഗോളതലത്തിൽ കന്നഡ ,ഹിന്ദി, തെലുങ്ക്, തമിഴ് ,മലയാളം, ഇംഗ്ലീഷ്, ബംഗാളി ഭാഷകളിൽ ആരാധകർക്കു മുന്നിലേക്ക് എത്താൻ ഇരിക്കയാണ് പ്രതിഷേധവുമായി ഫിയോക് എത്തിയിരിക്കുന്നത്. ചിത്രത്തിൻറെ കേരളത്തിലെ വിതരണം ഏറ്റെടുത്തിരിക്കുന്നത് പൃഥ്വിരാജ് പ്രൊഡക്ഷൻ ആണ് . ഋഷബ് ഷെട്ടി രചനയും സംവിധാനവും നിർവഹിച്ച് 2022 ൽ പുറത്തിറങ്ങിയ കാന്താര ബോക്സ് ഓഫീസിൽ വൻ വിജയമായിരുന്നു.ആദ്യഭാഗത്തിൽ പ്രേക്ഷകർ കണ്ട കഥയുടെ മുൻപ് നടന്ന സംഭവങ്ങൾ ആകും കാന്താരയുടെ തുടർച്ചയിൽ കാണാൻ കഴിയുക.