കാഞ്ഞങ്ങാട്. ഇന്ത്യ ബുക്ക് ഓഫ് റെക്കോർഡ് സ്വന്തമാക്കിയ വിദ്യാർത്ഥിയെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തി. പടന്നക്കാട് കരുവാക്കുളം കാരക്കുണ്ട് റോഡ് ശ്രീനിലയത്തിലെ ശ്രീഹരിയാണ് (21)ഇന്നലെ രാത്രി എട്ടുമണിയോടെ തൂങ്ങിയ നിലയിൽ കണ്ടത്. ഉടൻതന്നെ കാഞ്ഞങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കരുവളത്തെ പവിത്രൻ അച്ചാതുരുത്തിയുടെയും ശാന്തിയുടെയും മകനാണ്.പടന്നക്കാട് നെഹ്റു കോളേജ് അവസാന വർഷ ബിരുദ വിദ്യാർത്ഥിയാണ്. ഒരു വിരലിൽ ഒരു മണിക്കൂർ നേരം നിർത്താതെ പുസ്തകം കറക്കിയാണ് ഇന്ത്യ ബുക്ക് ഓഫ് റെക്കോർഡ് നേടിയത് .കലാരംഗത്തും മികച്ച പ്രതിഭയായിരുന്നു ശ്രീഹരി. സംഭവത്തിൽ ഹോസ്ദുർഗ് പോലീസ് കേസെടുത്തു.
ഇന്ത്യ ബുക്ക് ഓഫ് റെക്കോർഡ് നേടിയ ശ്രീഹരി മരിച്ച നിലയിൽ
