വെള്ളൂർ : വൈക്കം നിയോജകമണ്ഡലത്തിലെ സർക്കാർ മേഖലയിൽ പ്രവർത്തിക്കുന്ന ആദ്യ ബഡ്സ് സ്കൂൾ വെള്ളൂരിൽ ആരംഭിക്കും. കുടുംബശ്രീമിഷനും വെള്ളൂർ പഞ്ചായത്തും ചേർന്നാണ് പഞ്ചായത്തിൽ ഒരു ബഡ്സ് സ്കൂൾ എന്ന കുടുംബശ്രീ മിഷൻ്റെ പദ്ധതിക്ക് തുടക്കം കുറിച്ചത്.കുടുംബശ്രീ നടത്തുന്ന സാമൂഹിക ഇടപെടലുകളിൽ ഏറ്റവും ശക്തമായ പ്രവർത്തനങ്ങളിൽ ഒന്നാണ് ബാലവികാസ അർബൻ ഡവലപ്പ്മെൻ്റ് സൊസൈറ്റി എന്ന ബഡ്സ് സ്കൂൾ. പഞ്ചായത്തിൻ്റെ പദ്ധതി വിഹിതത്തിൽ നിന്നും നാലു ലക്ഷം രൂപയും കുടുംബശ്രീ മുഖേന അനുവദിക്കുന്ന മൂന്നു ലക്ഷം രൂപയും ചേർത്ത് പ്രാരംഭം കുറിക്കും. മിഷൻ്റെ 12 ലക്ഷം രൂപയിൽബാക്കി തുകയായ ഒമ്പതു ലക്ഷം രൂപ ഘട്ടംഘട്ടമായി അനുവദിക്കും.വെള്ളൂർ പഞ്ചായത്തിലെ 8-ാം വാർഡിൽ നിലവിലുള്ള ഇറുമ്പയം കമ്മ്യൂണിറ്റി ഹാളിൽ നവീകരണം നടത്തിയാണ് സ്കൂളിന് തുടക്കം കുറിക്കുന്നത്. ഇതുവരെ എട്ടു പേർ രജിസ്റ്റർ ചെയ്തിട്ടുണ്ട്. ഒരു ടീച്ചറേയും സഹായിയേയും കരാർ അടിസ്ഥാനത്തിൽ നിയമിക്കും. കുട്ടികൾക്കുള്ള ഭക്ഷണവും വാഹനസൗകര്യവും തയ്യാറാക്കിയിട്ടുണ്ട്. സെപ്തംബർ ആദ്യം സ്കൂൾ ഉദ്ഘാഘാടനം ചെയ്ത് പ്രവർത്തനം ആരംഭിക്കാനാണ് ഉദ്ദേശിക്കുന്നതെന്ന് പഞ്ചായത്ത് ഭരണ സമിതി അറിയിച്ചു.
Related Posts
കളക്‌ട്രേറ്റിലെ നവീകരിച്ച ശലഭോദ്യാനത്തിന്റെ ഉദ്ഘാടനം ജില്ലാ കളക്ടർ ജോൺ വി. സാമുവൽ നിർവ്വഹിച്ചു
കോട്ടയം: കളക്‌ട്രേറ്റിലെ നവീകരിച്ച ശലഭോദ്യാനത്തിന്റെ ഉദ്ഘാടനം ജില്ലാ കളക്ടർ ജോൺ വി. സാമുവൽ നിർവ്വഹിച്ചു. കളക്‌ട്രേറ്റ് വളപ്പിൽ നടന്ന പരിപാടിയിൽ ട്രോപ്പിക്കൽ ഇൻസ്റ്റിറ്റ്യൂട്ട് ഓഫ് ഇക്കോളജിക്കൽ സയൻസസ്…
കഴുത്തറ്റം വെള്ളത്തിൽ ഇറങ്ങി റിപ്പോർട്ടിങ് പാക് മാധ്യമപ്രവർത്തകൻ ഒലിച്ചുപോയി
ഇസ്ലാമാബാദ്: റാവൽപിണ്ടിയിലെ ചഹാൻ അണക്കെട്ടിന് സമീപം തത്സമയ സംപ്രേക്ഷണം നടത്തുന്നതിനിടെ വെള്ളപ്പൊക്കത്തിൽപ്പെട്ട് മാധ്യമപ്രവർത്തകനെ കാണാതായതായി. പാക് മാധ്യമപ്രവർത്തകൻ കഴുത്തറ്റം വെള്ളത്തിൽ നിന്നുകൊണ്ട് റിപ്പോർട്ട് ചെയ്യുന്നതിന്റെ ദൃശ്യങ്ങൾ പുറത്തുവന്നു.…
വിദ്യാഭ്യാസ വികസനത്തില്‍ പുതിയ അധ്യായം കുറിച്ച് തൃക്കൊടിത്താനം ഗവണ്‍മെന്റ് എല്‍.പി. സ്‌കൂള്‍
കോട്ടയം: പൊതുവിദ്യാഭ്യാസവകുപ്പ് സമഗ്ര ശിക്ഷ കേരള സ്റ്റാര്‍സ് പദ്ധതിയില്‍ 10 ലക്ഷം രൂപ ചെലവഴിച്ചു നടപ്പാക്കുന്ന വര്‍ണ്ണക്കൂടാരം മാതൃകാ പ്രീ-പ്രൈമറി തൃക്കൊടിത്താനം ഗവണ്‍മെന്റ് എല്‍.പി. സ്‌കൂളില്‍ ആരംഭിച്ചു.…