തൃശ്ശൂർ: ഭാര്യയുടെ കൈകാലുകൾ തല്ലിയൊടിച്ച ഭർത്താവ് അറസ്റ്റിൽ. പരിക്കേറ്റ ഭാര്യ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്. വെള്ളിയാഴ്ചയാണ് പത്തൊൻപതുകാരിയായ ഭാര്യയെ പ്രതി ക്രൂരമായി മർദ്ദിച്ചത്.
കണിമംഗലം സ്വദേശി ബഹാവുദ്ദീൻ അൽത്താഫിനെയാണ് കോഴിക്കോട് താമരശ്ശേരി പൊലീസ് അറസ്റ്റു ചെയ്തത്. നിരവധി ക്രിമിനൽ കേസുകളിൽ പ്രതിയാണ് ബഹാവുദ്ദീൻ അൽത്താഫെന്ന് പോലീസ് പറഞ്ഞു.
ഭാര്യയ്‌ക്കൊപ്പം താമരശ്ശേരിയിൽ വാടക വീട്ടിലാണ് ഇയാൾ താമസിച്ചിരുന്നത്.
തടഞ്ഞുവച്ച് മാരകായുധം ഉപയോഗിച്ച് അപായപ്പെടുത്താൻ ശ്രമിച്ചതിനാണ് പൊലീസ് കേസെടുത്തത്. താമരശ്ശേരി കോടതി പ്രതിയെ റിമാൻഡ് ചെയ്തു.
