തൃശൂർ: ലോ കോളേജിൽ എസ്എഫ്ഐ- കെഎസ്‌യു പ്രവർത്തകർ ഏറ്റുമുട്ടി.സംഘർഷത്തിൽ ആറ് കെഎസ്‌യു പ്രവർത്തകർക്കും ആറ് എസ് എഫ് ഐ പ്രവർത്തകർക്കും പരുക്കേറ്റു.കോളജിൽ കെ എസ് യു കൊടിമരം സ്ഥാപിച്ചതുമായി ബന്ധപെട്ടുള്ള തർക്കമാണ് സംഘർഷത്തിൽ കലാശിച്ചത്.ചൊവ്വാഴ്ച ഉച്ചക്ക് ശേഷമായിരുന്നു എസ്എഫ്ഐ കെഎസ്‌യു പ്രവർത്തകർ ചേരിതിരിഞ്ഞ് ഏറ്റുമുട്ടിയത്. കെഎസ്‌യു സ്ഥാപിച്ച കൊടിമരം എസ്എഫ്ഐ നശിപ്പിച്ചുവെന്നും അതിൽ പ്രിൻസിപ്പലിനും പൊലീസിനും പരാതി നൽകിയ പ്രകോപനത്തിൽ എസ്എഫ്ഐ പ്രവർത്തകർ തങ്ങളെ ആക്രമിക്കുകയായിരുന്നു എന്ന് കെഎസ്‌യു ആരോപിച്ചു. പരിക്കേറ്റ ആറ് കെഎസ് യു പ്രവർത്തകരെ തൃശ്ശൂർ സഹകരണ ആശുപത്രിയിൽ പ്രവേശിപ്പിച്ചു.
കെഎസ്‌യു പ്രവർത്തകർ പ്രശ്നങ്ങൾ സൃഷ്ടിക്കുകയായിരുന്നുവെന്നാണ് എസ്എഫ്ഐയുടെ ആരോപണം. സംഘട്ടനത്തിൽ വിദ്യാർത്ഥികൾ പട്ടികയും ഇഷ്ടികയും ഉപയോഗിച്ച് മർദ്ദിക്കുന്നതിന്റെ ദൃശ്യങ്ങൾ പുറത്തു വന്നു.സംഭവത്തിൽ ഇരുവിഭാഗവും പോലീസിൽ പരാതി നൽകി.
