ന്യൂഡല്‍ഹി: ദേശീയ തലത്തിലെ ബിജെപി അംഗത്വ കാമ്പയിന്‍ ഡല്‍ഹിയില്‍ ഇന്ന് ആരംഭിച്ചു. വൈകീട്ട് നടന്ന ചടങ്ങില്‍ പ്രധാനമന്ത്രി നരേന്ദ്ര മോദി ആദ്യ മെമ്പര്‍ഷിപ്പ് സ്വീകരിച്ചാണ് കാമ്പയിന്‍ ആരംഭിച്ചത്. ദേശീയ അദ്ധ്യക്ഷന്‍ ജെ പി നദ്ദയില്‍ നിന്നാണ് പ്രധാനമന്ത്രി മെമ്പര്‍ഷിപ്പ് സ്വീകരിച്ചത്.
ജനാധിപത്യ മൂല്യങ്ങള്‍ പിന്തുടരുന്ന ഒരേയൊരു പാര്‍ട്ടി ബിജെപിയാണെന്നും നരേന്ദ്ര മോദി പറഞ്ഞു. ബിജെപി വളര്‍ത്തുന്നത് പുതിയ രാഷ്ട്രീയ സംസ്‌കാരമാണ്. രാജ്യം ഒന്നാമത് എന്ന തത്വമാണ് ബിജെപി പിന്തുടരുന്നത്. മെമ്പര്‍ഷിപ്പ് ക്യാമ്പയിന്‍ എന്നത് പ്രത്യയശാസ്ത്രപരമായ സഞ്ചാരമാണെന്നും അദ്ദേഹം പറഞ്ഞു.
