തൃശൂർ: ജില്ലയിലെ തീരദേശം കേന്ദ്രീകരിച്ച് അവയവമാഫിയ പിടിമുറുക്കുന്നതായി പരാതി. കൊടുങ്ങല്ലൂരിനടുത്ത് ശ്രീനാരായണപുരം പഞ്ചായത്തിലാണ് അവയവമാഫിയ പിടിമുറുക്കുന്നതായി പരാതിയുള്ളത്. അവയവദാതാക്കൾക്ക് തുച്ഛമായ പണം നൽകി ഏജൻ്റുമാർ വൻതുക തട്ടുന്നതായി ശ്രീനാരായണപുരം പഞ്ചായത്ത് പ്രസിഡന്‍റ് മോഹനൻ ആരോപിച്ചു.
ഈ വർഷം ഇതുവരെ അവയവദാനത്തിനായി ഏഴ് അപേക്ഷകളാണ് ലഭിച്ചത്.ഇതാണ് അവയവ കടത്ത് മാഫിയ പഞ്ചായത്തിൽ പിടിമുറുക്കുന്നതായി ചിന്തിക്കാൻ കാരണം.അപേക്ഷ സമർപ്പിച്ചവർ മുഴുവൻ സാധാരണക്കാരും പാവപ്പെട്ടവരുമാണ്.ഇത് സംശയം ബലപ്പെടുത്തുന്നു.ബന്ധുക്കൾക്ക് അവയവ ദാനം നൽകുന്നതായാണ് പഞ്ചായത്തിൽ അനുമതി തേടിയെത്തുമ്പോൾ പറയുന്നത്.
