ദോഹ: ജീവിതത്തില് വിജയമെന്നത് ഓരോരുത്തരുടേയും വ്യക്തിപരമായ തീരുമാനമാണെന്നും ആ തീരുമാനമെടുത്താല് വിജയത്തിലേക്കുള്ള വാതിലുകള് തുറക്കപ്പെടുമെന്നും പ്രമുഖ സംരംഭകനും എബിഎന് കോര്പറേഷന്, ഐബിപിസി ഖത്തര് എന്നിവയുടെ ചെയര്മാനും നോര്ക്ക റൂട്സ് ഡയറക്ടറുമായ ജെ.കെ.മേനോന് അഭിപ്രായപ്പെട്ടു. പ്രവാസി മാധ്യമ പ്രവര്ത്തകനും ഗ്രന്ഥകാരനുമായ ഡോ. അമാനുല്ല വടക്കാങ്ങരയുടെ നൂറാമത് പുസ്തകമായ വിജയമന്ത്രങ്ങളുടെ പത്താം ഭാഗം ദോഹയില് പ്രകാശനം ചെയ്ത് സംസാരിക്കുകയായിരുന്നു അദ്ദേഹം. പ്രമുഖ വ്യവസായിയും നോര്ക്ക റൂട്സ് ഡയറക്ടറുമായ സി.വി റപ്പായ് പുസ്തകത്തിന്റെ ആദ്യ പ്രതി ഏറ്റുവാങ്ങി. ഐസിസി അഡ് വൈസറി ബോര്ഡ് ചെയര്മാന് പി.എന്.ബാബുരാജന് ചടങ്ങില് അധ്യക്ഷത വഹിച്ചു. ഐസിസി പ്രസിഡണ്ട് എ.പി.മണി കണ് ഠന്, ജനറല് സെക്രട്ടറി അബ്രഹാം ജോസഫ്, ഇന്ത്യന് സ്പോര്ട്സ് സെന്റര് പ്രസിഡണ്ട് ഇ.പി.അബ്ദുറഹിമാന്, ഐസിബിഎഫ് വൈസ് പ്രസിഡണ്ട് റഷീദ് അഹ്മദ്, ഖ്യൂ എഫ്.എം. റേഡിയോ നെറ്റ് വര്ക് വൈസ് ചെയര്മാനും മാനേജിംഗ് ഡയറക്ടറുമായ കെ.സി. അബ്ദുല് ലത്തീഫ്, ഡോ. ഷീല ഫിലിപ്പ്, അനൂജ് എം ജോസ് തുടങ്ങി നിരവധി പ്രമുഖര് സംസാരിച്ചു.
ഡോ. അമാനുല്ല വടക്കാങ്ങരയുടെ നൂറാമത് പുസ്തകമായ വിജയമന്ത്രങ്ങളുടെ പത്താം ഭാഗം ദോഹയില് പ്രകാശനം ചെയ്തു
