ഡൽഹി: അന്താരാഷ്ട്ര യാത്രക്കാർക്ക് സുരക്ഷ, വേഗത, സൗകര്യം എന്നിവ വർദ്ധിപ്പിക്കുന്നതിനായി രൂപകൽപ്പന ചെയ്ത ചിപ്പ്-എംബെഡഡ് ബുക്ക്ലെറ്റായ പുതിയ ഇ-പാസ്പോർട്ട് അവതരിപ്പിച്ചിരിക്കുകയാണ് ഇന്ത്യ.യാത്രാ ഡോക്യുമെന്റേഷനിലെ പ്രധാന നവീകരണത്തിനാണ് ഇതിലൂടെ ഔദ്യോഗികമായി തുടക്കം കുറിച്ചത്. പുതുക്കിയ പാസ്പോർട്ട് സേവാ പ്രോഗ്രാം (PSP 2.0) പ്രകാരം ആരംഭിച്ച സംരംഭം, ബയോമെട്രിക് യാത്രാ ക്രെഡൻഷ്യലുകളുടെ ആഗോള മാനദണ്ഡങ്ങളുമായി ബന്ധിപ്പിക്കുന്നു. എംബഡഡ് ഇലക്ട്രോണിക്സും നവീകരിച്ച പരിശോധനാ സംവിധാനങ്ങളും ഇ-പാസ്പോർട്ടിനെ വെത്യസ്തമാക്കും. സുരക്ഷിതമായ റേഡിയോ-ഫ്രീക്വൻസി ഐഡന്റിഫിക്കേഷൻ (RFID) ചിപ്പും, ആന്റിനയും ഇതിൽ ഉൾപ്പെടുന്നു. ഈ ചിപ്പ് വ്യക്തിഗത വിവരങ്ങൾക്കൊപ്പം ബയോമെട്രിക് ഡാറ്റ (വിരലടയാളങ്ങൾ, മുഖം തിരിച്ചറിയൽ പോലുള്ളവ) സംഭരിക്കുകയും അച്ചടിച്ച ബുക്ക്ലെറ്റും ഡിജിറ്റൽ റെക്കോർഡും പൊരുത്തപ്പെടുന്നു എന്ന് ഉറപ്പാക്കാൻ എൻക്രിപ്ഷൻ ഉപയോഗിക്കുകയും ചെയ്യുന്നു .
ഇ-പാസ്പോർട്ട് അവതരിപ്പിച്ച് ഇന്ത്യ
