മോഹൻലാൽ -മേജർ രവി കൂട്ടുകെട്ടിന്റെ ആറാമത്തെ ചിത്രമായ “പഹൽഹാം” ഔദ്യോഗികമായി പ്രഖ്യാപിച്ചു. മേജർ രവി തന്നെയാണ് ഇക്കാര്യം സ്ഥിരീകരിച്ചത്. മൂകാംബികയിൽ തൻറെ പഹൽഹാം തിരക്കഥ പൂജയ്ക്ക് വെക്കുന്ന ചിത്രങ്ങൾ അദ്ദേഹം ഇൻസ്റ്റാഗ്രാമിലൂടെ പുറത്തുവിട്ടിരുന്നു. ഓപ്പറേഷൻ സിന്ദൂർ, ഓപ്പറേഷൻ മഹാദേവ് തുടങ്ങിയ സൈനിക മുന്നേറ്റങ്ങളെ ആസ്പദമാക്കി നിർമിക്കുന്ന ചിത്രത്തിന് “പഹൽഹാം ഒപി സിന്ധുർ” എന്നാണ് പേരിട്ടിരിക്കുന്നത്. ഈ ചിത്രത്തിൽ മോഹൻലാൽ മേജർ മഹാദേവനായി തിരികെ എത്തുമെന്നാണ് റിപ്പോർട്ട്. വമ്പൻ ബജറ്റിൽ ആണ് ചിത്രം ഒരുങ്ങുന്നത്. പഹ്ൽ ഹാമിൽ നടന്ന ഭീകരാക്രമണത്തേയും അതിനെ തുടർന്നുണ്ടായ ഇന്ത്യൻ സൈനിക നടപടിയേയും ആസ്പദമാക്കിയുള്ള ഈ ചിത്രത്തിൻറെ നിർമ്മാണം പ്രസിഡൻഷ്യൽ മൂവീസ് ഇൻറർനാഷണൽ പ്രൈവറ്റ് ലിമിറ്റഡാണ്.
