രാത്രി 10ന് ശേഷം മൈക്ക് സെറ്റ് ഉപയോഗം പാടില്ല

ആലപ്പുഴ: 2023 ലെ ഓണാഘോഷത്തോടനുബന്ധിച്ച് ജില്ലയിൽ വിവിധ സംഘടനകൾ നടത്തുന്ന കലാ, കായിക പരിപാടികളിൽ രാത്രി 10-ന് ശേഷം മൈക്ക് സെറ്റ് ഉപയോഗിക്കാൻ പാടില്ലെന്ന് ജില്ല കളക്ടർ അറിയിച്ചു. മൈക്ക് സെറ്റ് ഓപ്പറേറ്റർമാരും പരിപാടി നടത്തുന്ന സംഘടനാ പ്രതിനിധികളും കലാകാരൻമാരും ഈ നിർദേശം പാലിക്കണ്ടെതാണ്. നിർദ്ദേശം ലംഘിക്കുന്നത് ശ്രദ്ധയിൽപ്പെട്ടാൽ കേരള പൊലീസ് ആക്ട്, 2000 ശബ്ദ മലിനീകരണം റൂൾസ് പ്രകാരം നിയമനടപടി സ്വീകരിക്കും.