പാലാ: ഭാര്യയെ വെട്ടിക്കൊലപ്പെടുത്താൻ ശ്രമിച്ച കേസില്‍ ഭർത്താവിനെ പൊലീസ് അറസ്റ്റ് ചെയ്തു. കോഴിക്കോട് ഈങ്കാപ്പുഴ ഭാഗത്ത് കാഞ്ഞിരക്കാട് വീട്ടില്‍ ജോജി കെ.തോമസ് (45) എന്നയാളെയാണ് പാലാ പൊലീസ് അറസ്റ്റ് ചെയ്തത്.
പുലിയന്നൂർ ഭാഗത്ത് താമസിച്ചിരുന്ന ദമ്ബതികള്‍ തമ്മില്‍ വീട്ടില്‍ വെച്ച്‌ വാക്ക് തർക്കമുണ്ടാകുകയും പിന്നാലെ ജോജി വീട്ടിലുണ്ടായിരുന്ന വാക്കത്തി കൊണ്ട് ഭാര്യയുടെ തലക്ക് വെട്ടുകയുമായിരുന്നു. സംഭവത്തിനുശേഷം ജോജി സ്ഥലത്തുനിന്ന് രക്ഷപ്പെട്ടു. പാലാ പൊലീസ് നടത്തിയ തിരച്ചിലിനിടെയാണ് ഏറ്റുമാനൂർ റെയില്‍വേ സ്റ്റേഷനില്‍ നിന്നു പ്രതിയെ പിടികൂടിയത്.
പാലാ സ്റ്റേഷൻ എസ്.എച്ച്‌.ഒ ജോബിൻ ആന്‍റണി, എസ്.ഐ വി.എല്‍. ബിനു, സി.പി.ഒമാരായ രഞ്ജിത്ത്, അരുണ്‍കുമാർ, ശ്യാം എന്നിവർ ചേർന്നാണ് പ്രതിയെ പിടികൂടിയത്. കോടതിയില്‍ ഹാജരാക്കി.
