കുറവിലങ്ങാട് : ഭാര്യയെ കൊലപ്പെടുത്താൻ ശ്രമിച്ച കേസില്‍ മിഠായിക്കുന്നം പൊതി ചാമക്കാലയില്‍ വീട്ടില്‍ ബിജു എന്ന ബിനൂബ് തോമസ് (39) അറസ്റ്റില്‍.ഇയാള്‍ കഴിഞ്ഞ ദിവസം ഭാര്യയുടെ സഹോദരിയുടെ വീട്ടിലെത്തിയിരുന്നു. ഇവിടെവെച്ച്‌ ഭാര്യയുമായി വഴക്കുണ്ടാകുകയും കൈയില്‍ കരുതിയ കത്തികൊണ്ട് ഭാര്യയുടെ തലയില്‍ വെട്ടിക്കൊലപ്പെടുത്താൻ ശ്രമിക്കുകയായിരുന്നു.
തടയാൻ ശ്രമിച്ച ഭാര്യാമാതാവിനും പരിക്കേറ്റു. എസ്.എച്ച്‌.ഒ പി.ജെ. നോബിള്‍, എസ്.ഐ എസ്.എൻ. സുമിത, സി.പി.ഒമാരായ പ്രവീണ്‍കുമാർ, കെ.സി. ഡിപിൻ എന്നിവർ ചേർന്നാണ് അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.
