വേണാട് എക്‌സ്പ്രസ് മേയ് ഒന്ന് മുതല്‍ എറണാകുളം സൗത്ത് റെയില്‍വേ സ്റ്റേഷനിൽ നിർത്തില്ല

കോട്ടയം: വേണാട് എക്‌സ്പ്രസ് മേയ് ഒന്ന് മുതല്‍ എറണാകുളം സൗത്ത് റെയില്‍വേ സ്റ്റേഷനിൽ നിർത്തില്ല. ഇനി മുതല്‍ എറണാകുളം നോര്‍ത്ത് വഴിയാകും സര്‍വ്വീസ് നടത്തുക. 16302 തിരുവനന്തപുരം -ഷൊര്‍ണൂര്‍ വേണാട് ഇനി മുതല്‍ എറണാകുളം നോര്‍ത്ത് സ്റ്റേഷനില്‍ രാവിലെ 9:50 ന് അര മണിക്കൂര്‍ നേരത്തെയെത്തും. 16301 ഷൊര്‍ണൂര്‍- തിരുവന്തപുരം വേണാട് എക്‌സ്പ്രസ് എറണാകുളം ടൗണ്‍ സ്റ്റേഷനില്‍ വൈകീട്ട് 5:15-നെത്തും. ഇതോടെ ഷൊര്‍ണൂര്‍ റൂട്ടിലെ എറണാകുളം മുതലുള്ള ഓരോ സ്റ്റേഷനിലും വേണാട് എക്സ്പ്രസ് 30 മിനുട്ട് നേരത്തെയും എറണാകുളം നോര്‍ത്ത് മുതല്‍ തിരുവനന്തപുരം വരെ എല്ലാ സ്റ്റേഷനിലും പുതിയ സമയക്രമം പ്രകാരം 15 മിനിറ്റ്‌ നേരത്തെ എത്തിച്ചേരുന്നതാണ്.