തിരുവനന്തപുരം: മുഖ്യമന്ത്രിയുടെ മകള്‍ വീണാ വിജയന്റെ മൊഴി എടുക്കാന്‍ എസ്എഫ്‌ഐഒ നീക്കം. വീണയുടെ ഉടമസ്ഥതയിലുള്ള എക്‌സാലോജിക് കമ്പനിക്കെതിരെ എസ്എഫ്‌ഐഒ അന്വേഷണം തുടരാമെന്ന കര്‍ണ്ണാടക ഹൈക്കോടതി വിധിക്ക് പിന്നാലെയാണിത്. ഉടന്‍ നോട്ടീസ് നല്‍കും.
സിഎംആര്‍എല്ലില്‍ നിന്നും കെഎസ്‌ഐഡിസിയില്‍ നിന്നും നേരത്തെ അന്വേഷണ സംഘം നേരിട്ടെത്തി വിവരങ്ങള്‍ തേടിയിരുന്നു. അതേസമയം ഹര്‍ജി സിംഗിള്‍ ബെഞ്ച് തള്ളിയ സാഹചര്യത്തില്‍ കര്‍ണ്ണാടക ഹൈക്കോടതി ഡിവിഷന്‍ ബെഞ്ചിനെ സമീപിക്കാനും എക്‌സാലോജിക് നീക്കം നടത്തിയേക്കും.
