തിരുവനന്തപുരം: കല്ലമ്പലം മണമ്പൂര്‍ വി.എച്ച്.എസ്. ആശുപത്രിക്ക് മുന്നില്‍ ഗുണ്ട സംഘങ്ങള്‍ ഏറ്റുമുട്ടി. സംഭവത്തില്‍ അഞ്ചു പേരെ പോലീസ് പിടികൂടി. മണമ്പൂര്‍ സ്വദേശി സുജിത്ത് മണമ്പൂര്‍ ഗുരുനഗര്‍ സ്വദേശി, വിശാഖ്, വിപിന്‍, വക്കം സ്വദേശി മുഹമ്മദ് സുഹൈല്‍, മണമ്പൂര്‍ സ്വദേശി കിരണ്‍ എന്നിവരെയാണ് കല്ലമ്പലം പോലീസ് അറസ്റ്റ് ചെയ്തത്.കഴിഞ്ഞ ദിവസം ഉച്ചയ്ക്ക് രണ്ടിനായിരുന്നു സംഭവം. കടയ്ക്കാവൂര്‍ പോലീസ് സ്റ്റേഷന്‍ പരിധിയില്‍ ഗുണ്ടാ സംഘങ്ങള്‍ ഏറ്റുമുട്ടുകയും ഇതില്‍ പരിക്കേറ്റ രണ്ടുപേരെ ചികിത്സയ്ക്കായി മണമ്പൂര്‍ കുടുംബാരോഗ്യ കേന്ദ്രത്തിലും എത്തിക്കുകയായിരുന്നു.
എന്നാല്‍, ഇവരെ പിന്തുടര്‍ന്നെത്തിയ എതിര്‍സംഘം ആശുപത്രിയില്‍ ചികിത്സ തേടി എത്തിയവരെയും ഒപ്പം എത്തിയവരെയും മര്‍ദ്ദിക്കാന്‍ ശ്രമിച്ചതോടെ സംഘര്‍ഷം ഉടലെടുക്കുകയായിരുന്നു. ആശുപത്രി ഉപകരണങ്ങള്‍ നശിപ്പിക്കുകയും ചെടിച്ചട്ടികള്‍ പൊട്ടിക്കുകയും ചെയ്തു.
