വൈക്കം ബ്ലോക്ക്‌ പഞ്ചായത്തിന്റെ നിറവ് പദ്ധതിക്ക് ഉജ്ജ്വല തുടക്കം. ഓണത്തിന് ഒരു കുട്ടപൂവ് ഒരു മുറം പച്ചക്കറി കൃഷി പദ്ധതിക്കാണ് തുടക്കമായത്. വൈക്കത്തെ ആറ് പഞ്ചായത്തുകളിലെ 125 ഗ്രുപ്പുകൾക്ക് പച്ചക്കറി തൈകളും 50 ഗ്രുപ്പുകൾക്ക് പൂതൈകളുമാണ് നൽകിയത്. വിത്തുകളും തൈകളും വളവും ജൈവ കീട നാശിനിയും കൃഷി വകുപ്പ് മുഖാന്തിരമാണ് നൽകുന്നത്. കൃഷി ചെയ്യുന്ന പുരയിടം തൊഴിലുറപ്പ് പദ്ധതിയിലാണ് കൃഷി യോഗ്യമാക്കി നൽകിയത്. കൃഷി ചെയുന്ന എല്ലാ ഗ്രൂപ്പുകൾക്കും ബ്ലോക്ക്‌ പഞ്ചായത്ത്‌ സാമ്പത്തിക സഹായവും നൽകുന്നുണ്ട്. ഏറ്റവും മികച്ച കൃഷി ചെയ്യുന്ന ഗ്രൂപ്പുകൾക്ക് നിരവധി പുരസ്‌ക്കാരങ്ങൾ ബ്ലോക്ക്‌ പഞ്ചായത്ത്‌ നൽകും. ബ്ലോക്ക്‌ പഞ്ചായത്ത്‌ ഹാളിൽ നടന്ന പദ്ധതിയുടെ ഉദ്ഘാടനം പ്രസിഡന്റ്‌ അഡ്വ കെ കെ രഞ്ജിത്ത് നിർവഹിച്ചു. വൈസ് പ്രസിഡന്റ്‌ പി ആർ സലില അധ്യക്ഷയായി. കൃഷി അസിസ്റ്റന്റ് ഡയറക്ടർ പി പി ശോഭ പദ്ധതി വിശദീകരണം നടത്തി.വികസന കാര്യ സ്ഥിരം സമിതി ചെയർമാൻ കെ എസ് ഗോപിനാഥൻ, ആരോഗ്യ വിദ്യാഭ്യാസ കാര്യ ചെയർമാൻ വീണ, ബ്ലോക്ക്‌ പഞ്ചായത്ത്‌ അംഗങ്ങളായ എം കെ ശീമോൻ, എം കെ റാണിമോൾ, ഒ എം ഉദയപ്പൻ, സുലോചന പ്രഭാകരൻ, എം ജി എൻ ആർ ഇ ജി ബ്ലോക്ക്‌ അസിസ്റ്റന്റ് എഞ്ചിനീയർ ഗീത മനോമോഹൻ, മറവൻതുരുത് കൃഷി ഓഫിസർ ലിറ്റി മാത്യു എന്നിവർ സംസാരിച്ചു.
വൈക്കം ബ്ലോക്ക്‌ പഞ്ചായത്തിന്റെ നിറവ് പദ്ധതിക്ക് ഉജ്ജ്വല തുടക്കം
