യുപിയിൽ വീണ്ടും സ്ഥലപ്പേര് മാറ്റാൻ ശ്രമം. അലിഗഢ് ജില്ലയുടെ പേര് മാറ്റി ‘ഹരിഗഢ്’ എന്നാക്കാനുള്ള നിർദേശം മുനിസിപ്പൽ കോർപറേഷൻ ബോർഡ് പാസ്സാക്കി. ബിജെപിയുടെ മുനിസിപ്പൽ കൗൺസലർ സഞ്ജയ് പണ്ഡിറ്റിന്റെ നിർദേശപ്രകാരമാണ് പുനർനാമകരണം. തീരുമാനം മുനിസിപ്പൽ കോർപറേഷൻ ബോർഡ് പാസ്സാക്കിയതിനാൽ ഇനി സർക്കാരിന്റെ അനുമതി ലഭിച്ചാൽ പേര് മാറ്റാം എന്ന് അലിഗഢ് മേയർ പ്രശാന്ത് സിംഗാൾ അറിയിച്ചു.
ഇത് ആദ്യപടിയാണെന്നും സർക്കാരിന്റെ അനുമതി ലഭിച്ചാൽ മാത്രമേ ജില്ലയുടെ പേരുമാറ്റൽ സാധ്യമാകൂ എന്നും മേയർ അറിയിച്ചു. മുനിസിപ്പൽ കോർപറേഷൻ യോഗത്തിലാണ് തീരുമാനം അംഗീകരിച്ചത്. യോഗത്തിൽ എല്ലാ കൗൺസലർമാർ നിർദ്ദേശത്തെ ഏകകണ്ഠമായി അംഗീകരിക്കുകയായിരുന്നു.
