തിരുവനന്തപുരം: പൊലീസ് ഉദ്യോഗസ്ഥനെ കിണറ്റില്‍ മരിച്ച നിലയില്‍ കണ്ടെത്തി. തിരുവനന്തപുരം സബ് ജയില്‍ സൂപ്രണ്ട് എസ് സുരേന്ദ്രൻ (55) ആണ് മരിച്ചത്.കാല്‍വഴുതി കിണറ്റില്‍ വീഴുകയായിരുന്നുവെന്നാണ് പ്രാഥാമിക നിഗമനം. സംഭവത്തെ കുറിച്ച്‌ പൊലീസ് അന്വേഷണം തുടങ്ങി. ഇന്ന് രാവിലെയായിരുന്നു സംഭവം.
വെങ്ങാനൂർ വെണ്ണിയൂർ സ്വദേശിയാണ്. വീട്ടുവളപ്പിന് സമീപത്തെ കിണറ്റിലാണ് മൃതദേഹം കണ്ടെത്തിയത്. വിഴിഞ്ഞം ഫയർ ആന്റ് റെസ്‌ക്യൂ ഉദ്യോഗസ്ഥരെത്തിയാണ് സുരേന്ദ്രനെ പുറത്തെടുത്തത്. ജോലിയില്‍ നിന്ന് വിരമിക്കാൻ നാലു മാസം മാത്രം ശേഷിക്കെയാണ് മരണം. വൈകിട്ടോടെ മൃതദേഹം സംസ്കരിച്ചു.
