തൃശൂര്‍ ചേറ്റുപുഴ പാടത്ത് വന്‍ തീപിടിത്തം. പാടത്ത് കൂട്ടിയിട്ടിരുന്ന ലക്ഷക്കണക്കിന് രൂപയുടെ പി വി സി പൈപ്പുകള്‍ കത്തി നശിച്ചു. ജല്‍ജീവന്‍ മിഷന്‍ പദ്ധതിയുടെ ഭാഗമായി പാടത്ത് കൂട്ടിയിട്ടിരുന്ന പൈപ്പുകള്‍ക്കാണ് തീ പിടിച്ചത്. വൈകിട്ട് 5.30 ഓടെയാണ് തീ പിടിത്തമുണ്ടായത്.
ഫയര്‍ഫോഴ്‌സും നാട്ടുകാരും ചേര്‍ന്ന് മണിക്കൂറുകളോളം പരിശ്രമിച്ചിട്ടും തീ പൂര്‍ണമായും അണക്കാന്‍ സാധിച്ചിരുന്നില്ല. തീപിടുത്തത്തിന്റെ കാരണം വ്യക്തമായിട്ടില്ല. ഉണങ്ങിയ പുല്ലിന് തീപിടിച്ച ശേഷം പൈപ്പുകളിലേക്ക് വ്യാപിച്ചതായാണ് സൂചന.
