വിവാദ യൂട്യൂബര്‍ തൊപ്പിയെന്ന നിഹാദിനെതിരെ വീണ്ടും പരാതി. കണ്ണൂര്‍ സ്വദേശിയാണ് പരാതി നൽകിയിരിക്കുന്നത്. തന്റെ മൊബൈല്‍ നമ്പര്‍ തെറ്റായി വ്യാഖ്യാനിച്ച് പരസ്യപ്പെടുത്തിയെന്ന് കണ്ണൂര്‍ എസ്പിയ്ക്ക് നല്‍കിയ പരാതിയില്‍ ശ്രീകണ്ഠാപുരം സ്വദേശി സജി പറയുന്നു. രാത്രിയെന്നോ പകലെന്നോ ഇല്ലാതെ വരുന്ന ഫോണ്‍വിളികള്‍ കൊണ്ട് മാനസികപ്രയാസം നേരിടുന്നെന്നാണ് പരാതി. പുരയിടങ്ങളിൽ കമ്പിവേലി നിര്‍മിച്ചുകൊടുക്കുന്നയാളാണ് സജി. ഇതിനിടെ നിഹാദിൻ്റെ സ്വദേശമായ മാങ്ങാട് സജി കമ്പിവേലി നിർമ്മിച്ചു നൽകിയിരുന്നു. ഇതിനെത്തുടർന്നാണ് പ്രശ്നങ്ങൾ ആരംഭിച്ചതെന്നാണ് സജി പരാതിയിൽ പറയുന്നത്.
വിവാദ യൂട്യൂബര്‍ തൊപ്പിക്കെതിരെ വീണ്ടും പരാതി
