ആലപ്പുഴ: മരം മുറിക്കുന്നതിനിടയിൽ മരച്ചില്ല ദേഹത്തേക്ക് വീണ് വിദ്യാർഥി മരിച്ചു. മാവേലിക്കര വള്ളികുന്നം കാഞ്ഞിപ്പുഴ കൊല്ലന്റവടക്കതിൽ അഷറഫിന്റെയും, തസ്നിയുടെയും മകൻ മുഹമ്മദ് അഹസൻ (12) ആണ് മരിച്ചത്. ഇന്ന് ഉച്ചയ്ക്ക് വീട്ടുവളപ്പിൽ നിന്ന മരം മുറിക്കുന്നതിനിടയിലാണ് സംഭവം. ചങ്ങംകുളങ്ങര ശ്രീ വിവേകാനന്ദ സ്കൂളിലെ ആറാം ക്ലാസ് വിദ്യാർഥിയാണ്. സംസ്കാരം ഇന്ന് രാത്രി 10 മണിക്ക് കാഞ്ഞിപ്പുഴ ജുമാമസ്ജിദ് ഖബർസ്ഥാനിൽ നടക്കും.
മരം മുറിക്കുന്നതിനിടെ അപകടം; ചില്ല ദേഹത്ത് വീണ് വിദ്യാർഥിയ്ക്ക് ദാരുണാന്ത്യം
