സംസ്ഥാന ടെക്നിക്കല്‍ ഹൈസ്കൂള്‍ കലോത്സവം ജനുവരി നാല് മുതല്‍ ചിറ്റൂരില്‍ നടക്കും. നാലിനു രാവിലെ പത്തിന് ചിറ്റൂര്‍ ടെക്നിക്കല്‍ ഹൈസ്കൂളില്‍ ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ.ആര്‍. ബിന്ദു ഉദ്ഘാടനം ചെയ്യും. വൈദ്യുത വകുപ്പ് മന്ത്രി കെ. കൃഷ്ണൻകുട്ടി അധ്യക്ഷനാകും. റവന്യൂ വകുപ്പ് മന്ത്രി കെ. രാജൻ മുഖ്യപ്രഭാഷണം നടത്തും. പരിപാടിയില്‍ രമ്യ ഹരിദാസ് എം.പി, എം.എല്‍.എ.മാരായ കെ. ബാബു, ഷാഫി പറമ്ബില്‍, പി.പി സുമോദ്, ജില്ലാ പഞ്ചായത്ത് പ്രസിഡന്റ് കെ. ബിനുമോള്‍, ചിറ്റൂര്‍ ബ്ലോക്ക് പഞ്ചായത്ത് പ്രസിഡന്റ് എം. സുജാത, ചിറ്റൂര്‍-തത്തമംഗലം നഗരസഭ ചെയര്‍പേഴ്സണ്‍ കെ.എല്‍ കവിത, നല്ലേപ്പുള്ളി, പെരുമാട്ടി, പൊല്‍പ്പുള്ളി, എലപ്പുള്ളി ഗ്രാമപഞ്ചായത്ത് പ്രസിഡന്റുമാരായ എസ്. അനീഷ്, റിഷാ പ്രേംകുമാര്‍, ഗംഗാധരൻ, രേവതി ബാബു, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയര്‍പേഴ്സണ്‍ പി. അനിത, വികസനകാര്യ സ്റ്റാൻഡിങ് കമ്മിറ്റി ചെയര്‍മാൻ രാജേഷ് കല, ജില്ലാ വിദ്യാഭ്യാസ ഓഫീസര്‍ ഉഷ മാനാട്ട്, കോഴിക്കോട് റീജണല്‍ ജോയിന്റ് ഡയറക്ടര്‍ സുരേഷ് കുമാര്‍, സീനിയര്‍ ജോയിന്റ് ഡയറക്ടര്‍(പി.എസ്) ഡോ. എം. രാമചന്ദ്രൻ, സാങ്കേതിക വിദ്യാഭ്യാസ ഡെപ്യൂട്ടി ഡയറക്ടര്‍(ജനറല്‍) എ. സുല്‍ഫിക്കര്‍, മറ്റു ജനപ്രതിനിധികള്‍, പഞ്ചായത്ത് അംഗങ്ങള്‍, അധ്യാപകര്‍, ജീവനക്കാര്‍, വിദ്യാര്‍ത്ഥികള്‍, പൂര്‍വ വിദ്യാര്‍ത്ഥികള്‍, പി.ടി.എ അംഗങ്ങള്‍, പൊതുജനങ്ങള്‍ എന്നിവര്‍ പങ്കെടുക്കും.
സംസ്ഥാന ടെക്നിക്കല്‍ ഹൈസ്കൂള്‍ കലോത്സവം നാലു മുതല്‍ ആറ് വരെ
സംസ്ഥാന ടെക്നിക്കല്‍ ഹൈസ്കൂള്‍ കലോത്സവം ജനുവരി നാലു മുതല്‍ ആറു വരെ ചിറ്റൂര്‍ ടെക്നിക്കല്‍ ഹൈസ്കൂളില്‍ നടക്കും. 39 ടെക്നിക്കല്‍ ഹൈസ്കൂള്‍, ഒൻപത് ഐ.എച്ച്‌.ആര്‍.ഡി ഉള്‍പ്പെടെ 48 വിദ്യാഭ്യാസ സ്ഥാപനങ്ങളില്‍നിന്നും 1500 ഓളം വിദ്യാര്‍ത്ഥികളാണ് കലോത്സവത്തില്‍ പങ്കെടുക്കുക. ഒൻപത് വേദികളിലായി 48 മത്സര ഇനങ്ങള്‍ അരങ്ങേറും. തസ്രാക്ക്, കൂമൻകാവ്, ചിതലിമല, ആത്മായനം, വഴിയമ്ബലം, കഥാന്തരം, ഞാറ്റുപുര, ജാലകം, കളപ്പുര എന്നിങ്ങനെയാണ് തുഞ്ചൻപറമ്ബ് എന്നറിയപ്പെടുന്ന കലാനഗരിയില്‍ വേദികള്‍ക്ക് പേര് നല്‍കിയിരിക്കുന്നത്.
തത്തമംഗലം ജി.ബി.യു.പി.എസ്. നല്ലേപ്പിള്ളി, ചിറ്റൂര്‍, തത്തമംഗലം ജി.യു.പി.എസ് ഇ.എം.എസ് ഹാള്‍, ജി.വി.എച്ച്‌.എസ്.എസ് ഗേള്‍സ്, ജി.എച്ച്‌.എസ്.എസ് ബോയ്സ് എന്നീ സ്കൂളുകളിലാണ് വിദ്യാര്‍ത്ഥികള്‍ക്കുള്ള താമസ സൗകര്യം ഒരുക്കിയിരിക്കുന്നത്. ചിറ്റൂര്‍ ടെക്നിക്കല്‍ ഹൈസ്കൂളിന് അടുത്തുള്ള ഗ്രാൻഡ് ഓഡിറ്റോറിയത്തിലാണ് വിദ്യാര്‍ത്ഥികള്‍ക്കുള്ള ഭക്ഷണം സജ്ജീകരിച്ചിട്ടുള്ളത്.
സമാപന സമ്മേളനം ആറിന്
സംസ്ഥാന ടെക്നിക്കല്‍ ഹൈസ്കൂള്‍ കലോത്സവത്തിന്റെ സമാപന സമ്മേളനം ജനുവരി ആറിന് വൈകിട്ട് 4.30ന് ചിറ്റൂര്‍ ടെക്നിക്കല്‍ ഹൈസ്കൂളില്‍ ദേവസ്വം, പാര്‍ലമെന്ററി കാര്യ, പട്ടികജാതി-പട്ടികവര്‍ഗ്ഗ വികസന വകുപ്പ് മന്ത്രി കെ. രാധാകൃഷ്ണൻ ഉദ്ഘാടനം ചെയ്യും. എ. പ്രഭാകരൻ എം.എല്‍.എ അധ്യക്ഷനാകും. എം.എല്‍.എ.മാരായ കെ.ഡി പ്രസേനൻ, കെ. ശാന്തകുമാരി, ഷാഫി പറമ്ബില്‍, ജില്ലാ പഞ്ചായത്ത് പ്രസിഡന്റ് കെ. ബിനുമോള്‍, ചിറ്റൂര്‍ ബ്ലോക്ക് പഞ്ചായത്ത് പ്രസിഡന്റ് എം. സുജാത, ചിറ്റൂര്‍-തത്തമംഗലം നഗരസഭ ചെയര്‍പേഴ്സണ്‍ കെ.എല്‍ കവിത, നല്ലേപ്പിള്ളി, കൊടുമ്ബ് ഗ്രാമപഞ്ചായത്ത് പ്രസിഡന്റുമാരായ എസ്. അനീഷ്, ആര്‍. ധനരാജ്, സ്റ്റാൻഡിങ് കമ്മിറ്റി ചെയര്‍മാൻമാരായ കെ. മുത്തു, രാജേഷ്, ജില്ലാ കലക്ടര്‍ ഡോ. എസ്. ചിത്ര, കോഴിക്കോട് റീജനല്‍ ജോയിന്റ് ഡയറക്ടര്‍ സുരേഷ് കുമാര്‍, ചിറ്റൂര്‍ ഗവ കോളെജ് പ്രിൻസിപ്പാള്‍ ഡോ. ടി. റെജി, ചിറ്റൂര്‍ വി.എച്ച്‌.എസ്.ഇ പ്രിൻസിപ്പാള്‍ ഇൻ ചാര്‍ജ് കെ. സുനില്‍കുമാര്‍, സീനിയര്‍ ജോയിന്റ് ഡയറക്ടര്‍(പി.എസ്) ഡോ. എം. രാമചന്ദ്രൻ, മറ്റു ജനപ്രതിനിധികള്‍, പഞ്ചായത്ത് അംഗങ്ങള്‍, അധ്യാപകര്‍, ജീവനക്കാര്‍, വിദ്യാര്‍ത്ഥികള്‍, പൂര്‍വ വിദ്യാര്‍ത്ഥികള്‍, പി.ടി.എ അംഗങ്ങള്‍, പൊതുജനങ്ങള്‍ എന്നിവര്‍ പങ്കെടുക്കും.
സംസ്ഥാന ടെക്നിക്കല്‍ ഹൈസ്കൂള്‍ കലോത്സവം ഡോ. ആര്‍. ബിന്ദു ഉദ്ഘാടനം നിര്‍വ്വഹിക്കും
