വടക്കേക്കര: മടപ്ലാതുരുത്ത് സെന്റ് ജോർജ്ജ് ദൈവാലയത്തിൽ പരിശുദ്ധ വേളാങ്കണ്ണി മാതാവിന്റേയും വിശുദ്ധ ഗീവർഗ്ഗീസിന്റേയും ഊട്ടുതിരുന്നാളിന് വികാരി ഫാ.ജോസ് കോട്ടപ്പുറം കൊടികയറ്റി. ഫാ.ജോജോ പയ്യപ്പിള്ളിയുടെ മുഖ്യ കാർമ്മികത്വത്തിൽ ദിവ്യബലിയും ഫാ.ഫ്രാൻസൻ കുരിശിങ്കൽ വചന സന്ദേശവും നൽകി. പ്രധാന തിരുന്നാളും , ഊട്ടു സദ്യയും പത്താം തീയതി ഞായറാഴ്ച നടക്കും.
കോട്ടപ്പുറം രൂപത അപ്പസ്തോലിക് അഡ്മിനിസ്ട്രേറ്റർ മാർ അലക്സ്‌ വടക്കുംതല മുഖ്യ കാർമ്മികനായിരിക്കും. വികാരി ഫാ.ജോസ് കോട്ടപ്പുറം, ഫാ.ജോജോ പയ്യപ്പിള്ളി, സ്റ്റീഫൻ കുറുപ്പത്ത്, ജിബിൻ പോൾ തൊഴുത്തുപാടത്ത് , ഉഷ സിജു ചക്കാട്ടിൽ എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നു.
