വൈക്കം: ഈ വർഷത്തെ ശ്രീകൃഷ്ണ ജയന്തി ആഘോഷങ്ങളുടെ ഭാഗമായി ബാലഗോകുലം വൈക്കം ജില്ല സ്വാഗതസംഘരൂപീകരണം കടുത്തുരുത്തി ഗൗരീശങ്കരം ഓഡിറ്റോറിയത്തിൽ നടന്നു. ജില്ല ഭഗിനി പ്രമുഖ് ഗീത മോഹൻ ഭദ്രദീപം കൊളുത്തി. ജില്ല കാര്യദർശി സജികുമാർ സ്വാഗതം പറഞ്ഞു. ബാലഗോകുലം ജില്ല അദ്ധ്യക്ഷൻ രാജേഷ് കുമാർ അധ്യക്ഷത വഹിച്ച യോഗത്തിൽ രാഷ്ട്രീയ സ്വയംസേവക സംഘം ജില്ല കാര്യവാഹ് മനുരാജ് യോഗം ഉദ്ഘാടനം ചെയ്തു.
ബാലഗോകുലം സംസ്ഥാന പൊതുകാര്യദർശി കെ എൻ സജികുമാർ മുഖ്യ പ്രഭാഷണം നടത്തി. ബാലഗോകുലം മേഖല സംഘടന കാര്യദർശി സനൽ കുമാർ സ്വാഗതസംഘം ചുമതല പ്രഖ്യാപനം നടത്തി. സ്വാഗതസംഘം അദ്ധ്യക്ഷൻ ജയപ്രകാശ് ശ്രീകൃഷ്ണ ജയന്തി സന്ദേശം നൽകി. ജില്ല ഖജാൻജി അജിത് കുമാർ കൃതജ്ഞത അർപ്പിച്ചു. മംഗള ശ്ലോകത്തോടെ യോഗം അവസാനിച്ചു.
