രോഹിത് ശർമ മുബൈ ഇന്ത്യൻസ് ടീം വിടുമെന്ന് മുൻ ഇന്ത്യൻ ക്രിക്കറ്റ് താരം ആകാശ് ചോപ്ര. അദ്ദേഹത്തിന്റെ അഭിപ്രായത്തില്‍, രോഹിത് തന്നെ ടീം വിടാൻ തീരുമാനിക്കുകയോ അല്ലെങ്കില്‍ മുബൈ അദ്ദേഹത്തെ പുറത്താക്കുകയോ ചെയ്യും. ഒരു യൂട്യൂബ് ചാനലില്‍ സംസാരിക്കവേയാണ് ചോപ്ര ഈ പ്രവചനം നടത്തിയത്.
ചെന്നൈ സൂപ്പർ കിംഗ്‌സ് ധോണിയെ നിലനിർത്തുന്നത് പോലെ മുംബൈ ഇന്ത്യൻസ് രോഹിതിനെ നിലനിർത്തില്ലെന്നാണ് അദ്ദേഹത്തിൻ്റെ അഭിപ്രായം. ഒന്നുകിൽ രോഹിത് മുംബൈ വിടുമെന്നും അല്ലെങ്കിൽ മുംബൈ രോഹിതിനെ ഒഴിവാക്കുമെന്നും അദ്ദേഹം പറഞ്ഞു.
മുംബൈ ഇന്ത്യൻസിനെ അഞ്ച് ഐപിഎൽ കിരീടങ്ങളിലേക്ക് നയിച്ച ക്യാപ്റ്റനാണ് രോഹിത് ശർമ്മ. എന്നാൽ കഴിഞ്ഞ സീസണിൽ ഗുജറാത്തിൽ നിന്ന് ഹാർദിക് പാണ്ഡ്യയെ തിരികെ കൊണ്ടുവന്ന് നായകനാക്കി. ഇതിനെ തുടർന്ന് സോഷ്യൽ മീഡിയയിലും സ്റ്റേഡിയത്തിലും വൻ പ്രതിഷേധമാണ് ഉയർന്നത്.
