പോത്തന്‍കോട്: ഗവ.യു.പി സ്‌കൂളിലെ താല്‍ക്കാലിക ബസ് ഡ്രൈവര്‍ കഞ്ചാവുമായി പോലീസ്പി ടിയില്‍. അയിരൂപ്പറ സ്വദേശി സുജന്‍ (കുമാര്‍) ആണ് അറസ്റ്റിലായത്.
സ്‌കൂള്‍ സമയം കഴിഞ്ഞശേഷം ഇയാള്‍ ഓട്ടോറിക്ഷ ഓടിക്കാറുണ്ട്. ഓട്ടോറിക്ഷയുടെ ഡ്രൈവര്‍ സീറ്റിനടിയിലെ പ്രത്യേക അറയിലാണ് ഇയാള്‍ കഞ്ചാവ് പൊതികള്‍ സൂക്ഷിച്ചിരുന്നത്. രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കഞ്ചാവ് പൊതികള്‍ കണ്ടെത്തിയത്.
പോത്തന്‍കോട് എസ്.എച്ച്.ഒ മിഥുന്‍, എസ്.ഐ രാജീവ്, എ.എസ്.ഐ രാജേഷ്, എസ്.സി.പി.ഒ. ഷാന്‍, സി.പി.ഒ. ജിഷ്ണു എന്നിവരടങ്ങിയ സംഘമാണ് ഇയാളെ പിടികൂടിയത്. അറസ്റ്റിലായ പ്രതിയെ കോടതിയില്‍ ഹാജരാക്കി.
