ശബരിമല: തീര്‍ഥാടകരുടെ വാഹനങ്ങള്‍ പാര്‍ക്ക്‌ ചെയ്യാൻ നിലക്കലില്‍ അധിക പാര്ക്കിങ് സൗകര്യങ്ങള്‍ ഒരുക്കുന്നു നിലവില്‍ 7000 വാഹനങ്ങള്‍ പാര്‍ക്ക്‌ ചെയ്യാനുള്ള സൗകര്യമാണ്‌ നിലക്കലിലുള്ളത്‌. 500 വാഹനങ്ങള്‍ക്ക്‌ അധികമായി പാര്ക്കിങ് ഒരുക്കാനുള്ള ക്രമീകരണങ്ങളാണ്‌ ദേവസ്വം ബോര്‍ഡ്‌ കൈക്കൊണ്ടിരിക്കുന്നത്‌.
നിലവിലെ പാര്ക്കിങ് ഗ്രൗണ്ടുകള്‍ക്ക്‌ പുറമെ മറ്റ്‌ സ്ഥലങ്ങളില്‍ കൂടി സൗകര്യം ഒരുക്കും. റബര്‍ മരങ്ങള്‍ക്കിടയിലുള്ള സ്ഥലം വൃത്തിയാക്കി പാര്‍ക്കിങ്ങിന് നല്‍കാനാണ്‌ തീരുമാനം. ഇതിനായി മരങ്ങള്‍ക്കിടയിലെ സ്ഥലങ്ങള്‍ മണ്ണുമാന്തി ഉപയോഗിച്ച്‌ ഒരുക്കുന്ന പ്രവൃത്തികള്‍ നടന്നുവരുന്നു.
