പത്തനംതിട്ട: ശബരിമല നട ഇന്ന് അടയ്ക്കും. രാത്രി 11-ന് നട അടയ്‌ക്കുന്നതിനാല്‍ വൈകുന്നേരം ഏഴിനു ശേഷം സന്നിധാനത്തേക്ക് തീര്‍ഥാടകരെ കയറ്റിവിടില്ല.ഇന്ന് നടയടച്ചാല്‍ മകരവിളക്ക് മഹോത്സവത്തിനായി ഡിസംബര്‍ 30 ന് വൈകുന്നേരം നടതുറക്കും.
മകരവിളക്ക് മഹോത്സവത്തിനായി ജനുവരി 13 ന് തിരുവാഭരണ ഘോഷയാത്ര പന്തളം കെട്ടാരത്തില്‍ നിന്ന് പുറപ്പെടും. ജനുവരി 15 നാണ് മകരവിളക്ക്. മകരവിളക്കിന് സ്‌പോട്ട് ബുക്കിംഗ് 80,000 ആക്കുമെന്ന് ദേവസ്വം ബോര്‍ഡ് പ്രസിഡന്റ് പി.എസ്. പ്രശാന്ത് പറഞ്ഞു.ജനുവരി 15 ന് വെളുപ്പിന് 2.46 ന് മകരസംക്രമ പൂജ നടക്കും. പതിവുപൂജകള്‍ക്കുശേഷം വൈകുന്നേരം അഞ്ചിനാകും അന്ന് നട തുറക്കുക.
