റേഷൻ വിതരണത്തിൽ സമയക്രമം ഏർപ്പെടുത്തി ഇറക്കിയ ഉത്തരവ് മരവിപ്പിക്കാൻ മന്ത്രിയുടെ നിർദേശം

തിരുവനന്തപുരം: റേഷൻ വിതരണത്തിൽ സമയക്രമം ഏർപ്പെടുത്തി പൊതുവിതരണ വകുപ്പ് ഇറക്കിയ ഉത്തരവ് മരവിപ്പിക്കാൻ മന്ത്രി ജി ആർ അനിൽ നിർദേശം നൽകി.
മാസത്തിൽ 15-ാം തീയതി വരെ മുൻഗണനാ വിഭാഗങ്ങൾ (മഞ്ഞ, പിങ്ക് കാർഡ് ഉടമകൾ)ക്കും, ശേഷം പൊതുവിഭാ​ഗങ്ങൾ(നീല, വെള്ള കാർഡ് ഉടമകൾ)ക്കും റേഷൻ നൽകാനുള്ള ഉത്തരവാണ് കഴിഞ്ഞ ദിവസം പുറത്തിറക്കിയത്. താനോ ഓഫീസോ അങ്ങനെയൊരു നിർദ്ദേശം നൽകിയിട്ടില്ല. അനുമതിയില്ലാതെ ഇറക്കിയ ഉത്തരവ് മരവിപ്പിക്കുമെന്ന് മന്ത്രി വ്യക്തമാക്കിയിരുന്നു.