ചെന്നിത്തലക്കൊപ്പം ദേശീയ രാഷ്ട്രീയത്തില്‍ പ്രവര്‍ത്തിച്ച പലരും മുഖ്യമന്ത്രിമാരായി, ചെന്നിത്തലയും കേരളത്തിന്റെ മുഖ്യമന്ത്രിയാകുമെന്ന് എം.കെ.രാഘവന്‍ എം.പി. അതിനുള്ള യോഗ്യത അദ്ദേഹത്തിനുണ്ട്. . ചിലര്‍ക്ക് സ്ഥാനം കിട്ടിയാല്‍ തലക്കനം ഉണ്ടാകാറുണ്ട്. ചെന്നിത്തല അത്തരക്കാരനല്ല. എല്ലാവര്‍ക്കും എപ്പോഴും ബന്ധപ്പെടാവുന്ന വ്യക്തിയാണെന്നും രാഘവന്‍ പറഞ്ഞു.
ബംഗാളില്‍ മമത ബാനര്‍ജിയും, തെലങ്കാനയില്‍ കെ. ചന്ദ്രശേഖര റാവുവും മുഖ്യമന്ത്രിയായി. ആ സ്ഥാനത്തേക്കാണ് എത്തിപ്പെടേണ്ടത്. അതിന് നല്ല സാധ്യതയുണ്ട്. എപ്പോഴാണെന്ന് പറയാനാകില്ല. എന്നെങ്കിലും ആവുമെന്നും രാഘവന്‍ പ്രത്യാശ പ്രകടിപ്പിച്ചു.
വ്യക്തിബന്ധം നഷ്ടപ്പെടുത്താത്ത നേതാവാണ് അദ്ദേഹം. പാര്‍ട്ടിയോടുള്ള കൂറ് എക്കാലത്തും ബോധ്യപ്പെടുത്തി. അത്തരത്തില്‍ കോണ്‍ഗ്രസ് നേതാക്കളില്‍ അഗ്രിമസ്ഥാനം അദ്ദേഹത്തിനാണ്. വിവാദമുണ്ടാക്കാറില്ല. പാര്‍ട്ടി തീരുമാനത്തിനൊപ്പം നിന്ന മഹിത പരമ്ബര്യം. സ്ഥാനങ്ങളുടെ മഹത്വം കാത്തുസൂക്ഷിക്കാന്‍ ശ്രമിച്ചു. മറ്റ് സംസ്ഥാന നേതാക്കളുമായി വ്യക്തിബന്ധമുള്ള ഏക വ്യക്തി. സ്ഥാനം കിട്ടിയാല്‍ നലക്കനമില്ല. ഡൗണ്‍ റ്റു എര്‍ത്ത് നേതാവാണ് അദ്ദേഹമെന്നും എം.കെ. രാഘവന്‍ പറഞ്ഞു.
