അയോധ്യ: രാമക്ഷേത്രത്തിന് 11 ദിവസത്തിനുള്ളിൽ ലഭിച്ചത് 11 കോടി രൂപയുടെ സംഭാവന. ജനുവരി 22 മുതൽ ഇന്നലെ വരെയുള്ള കണക്കാണ് പുറത്തു വന്നത്. ശ്രീകോവിലിന് മുൻപിലായുള്ള ദർശന പാതയിൽ നാലിടങ്ങളിലായി സ്ഥാപിച്ചിരിക്കുന്ന സംഭാവന പെട്ടികളിലാണ് ഭക്തർ തുക കാണിക്കയായി സമർപ്പിച്ചത്. ഇതിൽ 3.50 കോടി രൂപ ഓൺലൈൻ വഴിയാണ് കിട്ടിയത്. കഴിഞ്ഞ 11 ദിവസത്തിനുള്ളിൽ എട്ട് കോടിയോളം രൂപ സംഭാവന പെട്ടികളിൽ നിക്ഷേപിച്ചതായും ചെക്ക് വഴിയും ഓൺലൈനിലൂടെയും ലഭിച്ചത് 3.50 കോടിയോളം രൂപയാണെന്നും ക്ഷേത്ര ട്രസ്റ്റിൻ്റെ ഓഫീസ് ഇൻചാർജ് പ്രകാശ് ഗുപ്ത പറഞ്ഞു. ക്ഷേത്ര ട്രസ്റ്റ് ജീവനക്കാരെയാണ് സംഭാവന കൗണ്ടറിൽ നിയമിക്കുന്നതെന്നും വൈകിട്ട് കൗണ്ടർ അടച്ചശേഷം ലഭിച്ച സംഭാവന തുകയുടെ കണക്ക് ട്രസ്റ്റ് ഓഫീസിൽ സമർപ്പിക്കുമെന്നും അദ്ദേഹം പറഞ്ഞു.
രാമക്ഷേത്രത്തിന് 11 ദിവസത്തിനുള്ളിൽ ലഭിച്ചത് 11 കോടി രൂപയുടെ സംഭാവന
