തിരുവനന്തപുരം: കേരളത്തിൽ തുലാവർഷം എത്തിയതായി കേന്ദ്ര കാലാവസ്ഥ വകുപ്പ്. തെക്കൻ ജില്ലകളിലും മലയോര മേഖലയിലും ഒറ്റപ്പെട്ട ശക്തമായ മഴ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. ബംഗാൾ ഉൾക്കടൽ ന്യുനമർദ്ദം നാളെയോടെ അതിതീവ്ര ന്യുനമർദ്ദമായി ശക്തി പ്രാപിക്കുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
കേരളത്തിൽ അടുത്ത മൂന്ന് ദിവസവും എല്ലാ ജില്ലയിലും ഇടി മിന്നലോടു കൂടിയ മഴയ്ക്ക് സാധ്യതയുണ്ട്. തെക്ക് പടിഞ്ഞാറൻ അറബികടലിൽ രൂപപ്പെട്ട തേജ് ചുഴലിക്കാറ്റ് ബുധനാഴ്ചയോടെ ഒമാൻ യെമൻ തീരത്തേക്ക് എത്താനാണ് സാധ്യത. എന്നാൽ ഇന്ത്യൻ തീരത്തിന് ഭീഷണിയില്ല.
